Jesu o ile a tela bophelo ba hae bakeng sa batho ba sa phethahalang. (Bar 5:8) Ha ho pelaelo hore re a tseba hore Jesu o ile a re bontsha lerato ka ho re shwela. Le ha ho le jwalo, ka dinako tse ding re lokela ho ikgopotsa hore Kreste o shwetse le morabo rona. Re ka bontsha Bakreste mmoho le rona lerato le tshwanang le la Kreste jwang, le hoja ba sa phethahala jwalo ka rona? Re ka etsa sena ka ditsela tse tharo. Ya pele, re lokela ho etsa hore metswalle ya rona e akarelletse le batho ba hodisitsweng ka tsela e fapaneng le ya rona. (Bar 15:7; 2Ko 6:12, 13) Ya bobedi, re lokela ho ba hlokolosi hore re se ke ra bua kapa ra etsa dintho tse ka kgopisang ba bang. (Bar 14:13-15) Ya boraro, haeba motho e mong a re sitelwa, re lokela ho potlakela ho mo tshwarela. (Lu 17:3, 4; 23:34) Haeba re leka ka hohlehohle ho etsisa Jesu ka ditsela tsena, Jehova o tla tswela pele a hlohonolofatsa phutheho ka hore e be le kgotso le bonngwe.

SHEBELLA VIDEO E RENG NTLAFATSA BOTHO BA HAO! EBE O ARABA DIPOTSO TSE LATELANG:

• Qalong Miki o ne a ikutlwa jwang ka phutheho eo a kopanelang ho yona?

• Keng e ileng ya fetola maikutlo a hae?

• Mohlala wa Jesu o ile wa thusa Miki jwang hore a fetole pono ya hae? (Mar 14:38)

• Liproverbia 19:11 e ka re thusa jwang hore re be le maikutlo a nepahetseng ka Bakreste mmoho le rona?