Ke hobaneng ha re lokela ho qeta nako le batho ba ratang Jehova? Hobane batho bao re qetang nako le bona ba ka re thusa hore re etse dintho tse nepahetseng kapa ba re kgothalletsa hore re etse dintho tse mpe. (Lipr 13:20) Ka mohlala, ha Morena Joase a ntse a qeta nako le Moprista ya Phahameng e leng Jehojada, o ne a etsa “se nepahetseng mahlong a Jehova.” (2Likr 24:2) Ka mora hore Jehojada a hlokahale, Joase o ile a lahla Jehova ka lebaka la ho tlwaelana le batho ba fosahetseng.​—2Likr 24:17-19.

Mehleng ya moapostola Pauluse, moapostola Pauluse o ile a bapisa phutheho ya Bokreste le ‘ntlo e kgolo’ mme a bapisa ditho tsa phutheho le “dijana,” kapa dintho tse sebediswang ka tlung. Ha re qoba ho tlwaelana le mang kapa mang ya etsang dintho tse sa thabiseng Jehova, esita le ha e ka ba setho sa lelapa kapa sa phutheho, re tla dula re le “sejana bakeng sa morero o hlomphehang.” (2Ti 2:20, 21) Ka hoo, e se e ka re ka tswela pele ho ba metswalle le batho ba ratang Jehova le ba re kgothalletsang ho mo sebeletsa.

SHEBELLANG VIDEO E RENG QOBA METSWALLE E FOSAHETSENG, EBE KA MORA MOO LE ARABA DIPOTSO TSE LATELANG:

• Ke ka ditsela dife re ka qetang nako le batho ba fosahetseng re sa hlokomele?

• Videong ena, ke eng e ileng ya thusa Bakreste ba bararo ho kgaotsa setswalle se fosahetseng?

• Ke melaomotheo efe ya Bibele e ka o thusang ho kgetha metswalle ka bohlale?