Na o tshebeletsong ya nako e tletseng mme dilemo tsa hao di pakeng tsa 23 le 65? Na o phetse hantle mmeleng mme o ka kgona ho sebetsa moo ho nang le tlhokahalo teng? Haeba o arabile dipotso tsena ka hore E, na o kile wa nahana ho ya Sekolong sa Baevangedi ba Mmuso? Ho tloha ka tlelase ya pele, banyalani ba bangata ba ngodisitse Sekolong sena ho akarelletsa le bara le baradibabo rona ba masoha. Le ha ho le jwalo, re hloka barababo rona ba eketsehileng ba masoha hore ba ngodise. Kopa Jehova hore a o thuse hore o batle ho mo thabisa le ho etsisa mora wa hae. (Pes 40:⁠8; Mat 20:28; Heb 10:7) Ebe o nahana ka dintho tseo o ka di etsang e le hore o ka fokotsa mabaka a hao hore o kgone ho ya Sekolong sena.

Batho ba kwetlisitsweng Sekolong sena ba kgonne ho sebeletsa ka ditsela dife? Ba bang ba sebeletsa moo ho buuwang dipuo tse ding, ha ba bang bona ba bolela phatlalatsa ka tsela e kgethehileng ditoropong tse kgolo. Ka mora nako e itseng, ba bang ba sebeletsa e le balebedi ba potoloho ba nakwana, e le balebedi ba potoloho kapa e le baromuwa. Ha o ntse o nahana ka dintho tseo o ka di etsang tshebeletsong ya Jehova, e se eka o ka ikutlwa jwalo ka moprofeta Esaia ya ileng a re: “Ke nna enwa! Roma nna!”​—Esa 6:8.

SHEBELLA VIDEO E RENG BAROMUWA BA ETSANG MOSEBETSI WA KOTULO, EBE O ARABA DIPOTSO TSE LATELANG:

• Baromuwa ba kgethwa jwang?

• Baromuwa ba etsa mosebetsi ofe?

• Baromuwa ba fumana ditlhohonolofatso dife?