Ho kgaolwa ho sireletsa phutheho ebile ho sireletsa moetsadibe ya sa bakeng. (1Ko 5:6, 11) Re bontsha lerato ha re tshehetsa tokisetso eo. Le ha ho le jwalo, ho tshehetsa tokisetso eo ho bontsha lerato jwang ha ho kgaolwa ho baka bohloko hakaale, haholoholo ho ba malapa le ho komiti ya boahlodi?

Ho feta moo, re bontsha hore re rata Jehova le melao ya hae e halalelang. (1Pe 1:14-16) Re boetse re bontsha hore re rata motho ya kgaotsweng. Le hoja kgalemelo e le bohloko, e beha “ditholwana tsa kgotso” e leng ho loka. (Heb 12:5, 6, 11) Haeba re bua le motho ya kgaotsweng kapa ya ikarotseng ka phuthehong, re tla be re sitisa Jehova ha a kgalemela motho eo. Hopola hore Jehova o kgalemela batho ba hae “ka tekanyo e loketseng.” (Jer 30:11) Ka hoo, re tla tswela pele re tshehetsa tsela eo Jehova a kgalemelang mofosi ka yona mme re matlafatse kamano ya rona le Jehova re na le tshepo ya hore motho eo o tla kgutlela ho Ntate wa rona ya mohau.​—Esa 1:16-18; 55:7.

SHEBELLA VIDEO E RENG DULA O TSHEPAHALA KA PELO YOHLE, EBE O ARABA DIPOTSO TSE LATELANG:

• Batswadi ba Bakreste ba ikutlwa jwang ha ngwana wa bona a tlohella ho sebeletsa Jehova?

• Phutheho e ka tshehetsa ba lelapa ba tshepahalang jwang?

• Ke tlaleho efe ya Bibele e bontshang hore ke ha bohlokwa hore re tshepahalle Jehova ho feta ba malapa a rona?

• Re ka tshepahalla Jehova ho feta ba malapa a rona jwang?