PHELA JWALO KA MOKRESTE
Ho Ntlafatsa Tsebo ya Rona Boboleding—Ka ho Sebedisa Dipotso ka Tsela e Atlehang
KE HOBANENG HA HO LE BOHLOKWA: Haeba “morero ka pelong ya motho o jwalo ka metsi a tebileng,” jwale dipotso di jwalo ka emere ho a kga. (Lipr 20:5) Dipotso di re thusa ho kenyelletsa bamamedi ba rona moqoqong. Hangata dikarabo tsa dipotso tse kgethilweng hantle di fana ka boitsebiso ba bohlokwa ho mohweletsi. Jesu o ne a sebedisa dipotso ka tsela e atlehang. Re ka mo etsisa jwang?
O KA ETSA SEO JWANG:
-
Botsa dipotso tse tla thusa motho ho ntsha maikutlo a hae. Jesu o ile a botsa barutuwa ba hae dipotso tse mmalwa e le hore a ka tseba maikutlo a bona ka taba e itseng. (Mat 16:13-16; be 238 ¶3-5) Ke dipotso di fe tseo o ka di botsang tse tla thusa motho ho ntsha maikutlo a hae?
-
Botsa dipotso tse tla thusa motho ho etsa qeto e nepahetseng. Jesu o ile a lokisa monahano wa Petrose ka hore a mo botse dipotso le ho mo tataisa ka dikarabo tse ileng tsa thusa Petrose ho etsa qeto e nepahetseng. (Mat 17:24-26) O ka botsa dipotso di fe e le hore o thuse motho hore a etse qeto e nepahetseng?
-
Babatsa momamedi wa hao. Ka mora hore mongodi a ‘arabe ka kelello,’ Jesu o ile a mo babatsa. (Mar 12:34) O ka babatsa motho ya fanang ka karabo jwang?
SHEBELLA KAROLO E QALANG YA VIDEO YA ETSA MOSEBETSI OO JESU A NENG A O ETSA E LENG HO RUTA, EBE O ARABA DIPOTSO TSE LATELANG:
-
Ke hobaneng ha oo e le mohlala o fosahetseng wa ho ruta, le hoja boitsebiso bo nepahetse?
-
Ke hobaneng ha re sa lokela ho hlalosa dintlha feela e be re qetile?
SHEBELLA KAROLO YA BOBEDI YA VIDEO, EBE O ARABA DIPOTSO TSE LATELANG:
-
Morabo rona o sebedisitse dipotso ka tsela e atlehang jwang?
-
Ke dintlha di fe tse ding tsa ho ruta tseo a di sebedisitseng tseo le rona re ka di sebedisang?