Jehova o nka kano ya lenyalo e le ntho ya bohlokwa haholo. O itse monna le mosadi ba lokela ho kgomarelana. (Mat 19:5, 6) Ho na le bahlanka ba Modimo ba bangata ba thabileng manyalong a bona. Le ha ho le jwalo, ka ha ha re a phethahala ho tla ba le mathata lenyalong. Ha re a lokela ho ikutlwa jwalo ka batho ba bang ba nkang hore ha lenyalo le ba le mathata tharollo ke hore ba arohane kapa ba hlalane. Jwale Bakreste ba ka sireletsa manyalo a bona jwang?

O ka etsa dintho tsena tse hlano tsa bohlokwa.

1. Sireletsa pelo ya hao ka hore o qobe dintho tse kang ho bonya le boithabiso bo ditshila bo ka etsang hore lenyalo la hao le senyehe.​—Mat 5:28; 2Pe 2:14.

2. Matlafatsa kamano ya hao le Modimo mme o ikemisetse ho etsa hore lenyalo la hao le thabise Jehova.​—Pes 97:10.

3. Tswela pele ho apara botho bo botjha mme o etse dintho tse nyane tse tla etsa hore molekane wa hao a thabe.​—Kol 3:8-10, 12-14.

4. Buisanang ka tlhompho ka mehla.​—Kol 4:6.

5. Fa molekane wa hao tokelo ya hae ya lenyalo mme le bontshane lerato.​—1Ko 7:3, 4; 10:24.

Ha Bakreste ba hlompha lenyalo la bona, sena se bontsha hore ba hlompha Moqapi wa lenyalo e leng Jehova.

SHEBELLA VIDEO E RENG RE LOKELA HO “MATHA KA MAMELLO”​—HLOMPHA MELAO YA TLHODISANO, EBE O ARABA DIPOTSO TSE LATELANG:

• Le hoja ho ka qala ho le monate lenyalong ke mathata afe a ka hlahang?

• Ke jwang melaomotheo ya Bibele e ka thusang banyalani ba utlwang eka ha hona lerato lenyalong la bona?

• Jehova o file banyalani melao efe?

• Banyalani ba lokela ho etsang e le hore lenyalo la bona le atlehe?