Ho nahanela kapa ho qenehela ke ho utlwisisa tsela eo motho e mong a nahanang ka yona, melao eo a ipehetseng yona, maikutlo a hae le dintho tseo a di hlokang. Batho ba kgona ho utlwa ha motho e mong a ba nahanela mme motho ya ba nahanelang o etsa jwalo hobane a utlwa a batla ho thusa batho ba bang. Ha re qenehela batho bao re kopanang le bona tshimong, re bontsha hore re etsisa Jehova ka ha o lerato hape o nka batho e le ba bohlokwa ebile ho etsa jwalo ho tla etsa hore ba batle ho ithuta ka yena.​—Fil 2:4.

Ho qenehela ha se leqheka leo re le sebedisang hobane feela re batla ho ruta batho Bibele. Empa re bontsha hore re ba qenehela e le ka nnete ka ho ba mamela ha ba bua, ho ba le maikutlo a matle ka bona, boitshisinyo ba mmele le tsela eo re shebahalang ka yona sefahlehong. Re nahanela motho ka ho mo bontsha hore re mo nka e le wa bohlokwa. Ha re etsa jwalo, re tla tseba dintho tseo a di dumelang, tseo a di ratang le hore na maemo a hae ke afe. Re a mo thusa ebile re mo fa le dikeletso tse ding tse ka mo thusang empa ha re mo qobelle hore a fetohe. Ha batho bao re kopanang le bona tshimong ba dumela ha re ba thusa, thabo ya rona e a eketseha.

SHEBELLANG VIDEO YA THABELA MOSEBETSI WA HO ETSA BARUTUWA​—NTLAFATSA TSELA EO O RUTANG KA YONA​—KA HO NAHANELA, EBE LE ARABA DIPOTSO TSE LATELANG:

• Nteboheleng o ile a bontsha jwang hore o nahanela Dipontsho ha a sa fihla ka nako?

• Nteboheleng o ile a bontsha jwang hore o a qenehela ha Dipontsho a ne a mo bolella hore o imetswe hoo a ke keng a kgona ho bala?

• Nteboheleng o ile a bontsha jwang hore o a nahanela ha Dipontsho a mo bolella hore ha se motho ya hlophisehileng?