Jehova o batla hore malapa a thabe. (Ps 127:3-5; Moe 9:9; 11:9) Le ha ho le jwalo, thabo eo re bang le yona e ka fela ka lebaka la mathata a lefatshe lena le diphoso tsa ba malapa a rona. Ke eng eo ditho tsa malapa di lokelang ho e etsa e le hore lelapa e be le thabileng?

Monna o lokela ho tshwara mosadi wa hae hantle. (1Pe 3:7) A qete nako le yena. Ha a lokela ho lebella hore mosadi wa hae a etse dintho tseo a ke keng a kgona ho di etsa. Empa o lokela ho bontsha hore o ananela dintho tseo mosadi wa hae a di etsetsang yena le lelapa la bona. (Kol 3:15) A bontshe mosadi wa hae hore o a mo rata hape a mo babatse.—Pr 31:28, 31.

Mosadi o lokela ho tshehetsa monna wa hae. (Pr 31:12) A ikokobeletse yena mme a sebedisane hantle le yena. (Kol 3:18) A bue hantle le yena le ha a bua ka yena ho batho ba bang.—Pr 31:26.

Batswadi ba lokela ho qeta nako le bana ba bona. (De 6:6, 7) Ba lokela ho bolella bana ba bona hore ba a ba rata. (Mat 3:17) Ba kgalemele bana ba bona ka lerato le ho ba nahanela.—Ef 6:4.

Bana ba lokela ho hlompha batswadi le ho ba mamela. (Pr 23:22) Ba bolelle batswadi ba bona maikutlo a bona le dintho tseo ba di nahanang. Ka tlhompho ba amohele kgalemelo ya batswadi ba bona.—Pr 19:20.

SHEBELLANG VIDEO YA SEBELETSA HORE HO BE LE THABO KA LAPENG EBE LE ARABA POTSO E LATELANG:

Keng eo motho ka mong a ileng a e etsa hore ho be le thabo ka lapeng?