Jesu o re behetse mohlala oo re ka o latelang, haholoholo ha re tobane le diteko kapa re hloriswa. (1Pe 2:21-23) Le hoja Jesu a ile a rohakwa a ba a hloriswa ha a ka a iphetetsa. (Mar 15:29-32) Keng e mo thusitseng hore a mamelle? O ne a ikemiseditse ho etsa thato ya Jehova. (Joh 6:38) O ile a tsepamisa mohopolo wa hae ho “thabo e neng e behilwe ka pela hae.”—Heb 12:2.

Re etsang ha re tshwarwa hampe ka lebaka la tumelo ya rona? Bakreste ba nnete ha ba ‘busetse bobe ka bobe.’ (Bar 12:14, 17) Ha re etsisa tsela eo Jesu a ileng a mamella ho hloriswa ka yona, re tla thaba hobane re amohelwa ke Modimo.—Mat 5:10-12; 1Pe 4:12-14.

SHEBELLA VIDEO E RENG LEBITSO LA JEHOVA KE LA BOHLOKWA KA HO FETISISA, EBE O ARABA DIPOTSO TSE LATELANG:

• Moradiwabo rona Pötzinger * o ile a sebedisa nako ya hae jwang ha a ne a kwalletswe ka seleng a le mong?

• Mora le Moradiwabo rona Pötzinger ba ile ba mamella mathata afe ha ba le dikampong tsa mahloriso?

• Ba thusitswe keng hore ba mamelle?