Ho na le bara le baradibabo rona ba sebeleditseng Jehova ka dilemo tse ngata diphuthehong tsa habo rona. Re ka ithuta ho hongata tseleng eo ba ileng ba itshetleha ka Jehova ka teng bophelong ba bona. Re ka ba botsa ka histori ya mokgatlo wa Jehova le ka moo a ileng a ba thusa ho mamella mathata ao ba kopaneng le wona. Re ka boela ra mema e mong wa bona ha re etsa Borapedi ba Lelapa ebe re mo kopa hore a re qoqele dintho tseo a kopaneng le tsona bophelong.

Haeba o se o sebeleditse Jehova ka dilemo tse ngata, ikemisetse ho bolella Bakreste ba batjha ka tsela eo Jehova a o thusitseng ka teng bophelong. Jakobo le Josefa ba ile ba bolella ditloholo tsa bona dintho tseo Jehova a ba etseditseng tsona. (Ge 48:21, 22; 50:24, 25) Jehova o ile a laela dihlooho tsa malapa hore di rute bana ba tsona ka diketso tsa hae tse matla. (De 4:9, 10; Pes 78:4-7) Mehleng ena, batswadi le ba bang ka phuthehong ba ka bolella ba batjha dilemong ka dintho tse hlollang tseo ba boneng Jehova a di finyella a sebedisa mokgatlo wa hae.

SHEBELLA VIDEO E RENG HO BOLOKA BONNGWE LE HA RE THIBETSWE, EBE O ARABA DIPOTSO TSE LATELANG:

• Lekala la Austria le thusitse barababo rona jwang ba dinaheng tseo mosebetsi wa rona o thibetsweng?

• Barababo rona ba dinaheng tsee ba ile ba dula ba matlafatsa tumelo ya bona jwang?

• Ke hobaneng ha bahweletsi ba bangata ba Romania ba ile ba tlohela mokgatlo wa Jehova, hona ba ile ba kgutlela ho wona jwang?

• Dintho tse etsahalletseng barababo rona di matlafaditse tumelo ya hao jwang?