KE HOBANENG HA HO LE BOHLOKWA: Buka ya 1 Bakorinthe ke e nngwe ya mangolo a 14 ao moapostola Pauluse a ileng a a ngolla Bakrestemmoho ho ba kgothatsa. Ha motho a ngola lengolo, o ba le nako e lekaneng ya ho nahana ka seo a tlang ho se ngola mme motho ya le fumanang a ka le bala kgafetsa. Ho ngola mangolo ke tsela e molemo ya ho pakela beng ka rona le batho bao re ba tlwaetseng. Hape ke tsela e atlehang ya ho pakela batho bao re sa kgoneng ho kopana le bona. Ka mohlala, motho a ka bontsha thahasello empa ho be thata ho mo fumana lapeng.

Ho ka ba thata ho fumana batho ba bang hobane ba dula matlong ao ho leng thata ho kena ho ona kapa a dibakeng tse ka thoko. Ke dintho dife tseo re lokelang ho nahana ka tsona, haholo ha re ngolla motho eo re sa mo tsebeng?

O KA ETSA SEO JWANG:

• Ngola seo o neng o tla se bua ha o kopana le motho. Qalong ya lengolo itsebise mme o bolele hore na ke hobaneng ha o ngola lengolo leo. Mohlomong o ka ngola potso e tla etsa hore motho eo o mo ngollang lengolo a nahane ka yona e be o mo lebisa websaeteng ya rona. Ka mora moo, mo bolelle ka thuto ya lehae ya Bibele mme o bue ka tse ding tsa dihlooho tse hlahang dingolweng tsa rona. O ka kenya dingolwa tse kang pampitshana, memo kapa karete ya jw.org

• Kgutsufatsa molaetsa. Etsa bonnete ba hore molaetsa wa hao o ba mokgutshwanyane e le hore motho a se ke a kgathala ke ho o bala.—Sheba mohlala wa lengolo

• Le bale ho etsa bonnete ba hore ha le na diphoso, le makgethe, ho bonolo hore motho a le bale, le botswalle ebile le fana ka molaetsa o kgothatsang. Etsa bonnete ba hore enfelopo e na le ditempe tse lekaneng.