La 1-7 April
PESALEME YA 23-25
Pina ya 4 le Thapelo | Seo re Tlo Ithuta Sona (1 mots.)
1. “Jehova ke Modisa wa ka”
(10 mets.)
Jehova o a re tataisa (Ps 23:1-3; w11 5/1 31 ¶3)
Jehova o a re sireletsa (Ps 23:4; w11 5/1 31 ¶4)
Jehova o a re fepa (Ps 23:5; w11 5/1 31 ¶5)
Jehova o hlokomela bahlanka ba hae jwalo ka ha modisa ya lerato a hlokomela dinku tsa hae.
IPOTSE, ‘Jehova o bontshitse jwang hore o a ntsotella?’
2. Matlotlo a Patilweng
(10 mets.)
-
Ps 23:3—‘Ditsela tsa ho loka’ keng hona ke eng e ka re thusang hore re se ke ra kgaotsa ho tsamaya ho tsona? (w11 2/15 24 ¶1-3)
-
O ithutileng mmalong wa Bibele wa bekeng ee?
3. Mmalo wa Bibele
(4 mets.) Ps 23:1–24:10 (th thuto ya 5)
4. Ha o Qala Moqoqo
(3 mets.) BUA LE BATHO HA MONYETLA O HLAHA. Balla motho ya tshwenyehileng ka maemo a tikoloho temana ya Bibele e kgothatsang. (lmd thuto ya 2 ntlha ya 5)
5. Kgutlela ho Batho
(4 mets.) KA NTLO LE NTLO. Bontsha motho ya ileng a amohela bukana ya O ka Thaba ka ho sa Feleng! hore na re ithuta Bibele le batho jwang. (lmd thuto ya 9 ntlha ya 3)
6. Ho Etsa Barutuwa
Pina ya 54
7. Ha re Mamele Lentswe la Motho e Mong
(15 mets.) Puisano.
Dinku di latela modisa wa tsona ebile di tseba lentswe la hae. Ka lehlakoreng le leng, di a baleha ha di utlwa lentswe la motho e mong hobane di sa le tsebe. (Joh 10:5) Ka ho tshwanang, le rona re mamela mantswe a Badisa ba rona ba lerato le ba tshepahalang e leng Jehova le Jesu. (Ps 23:1; Joh 10:11) Empa ha re mamele “mashano” a batho ba batlang ho fokodisa tumelo ya rona.—2Pe 2:1, 3.
Genese kgaolo ya boraro e bua ka lekgetlo la pele ha motho e mong osele a bua. Satane o ile a sebedisa noha ho bua le Eva. Ka hoo, Eva o ne a sa tsebe hore na ha e le hantle o ne a ntse a bua le mang. Satane o ile a etsa eka ke motswalle wa Eva mme a bua mashano ka merero ya Jehova le ka seo a neng a se buile. Ka maswabi, Eva o ile a mo mamela mme sena se ile sa bakela yena le lelapa la hae mathata.
Kajeno Satane o etsa hore re belaelle Jehova le mokgatlo wa hae a sebedisa ditlaleho le mashano a kgelosang. Re lokela ho balehela hole le mantswe a motho eo eseng modisa wa rona. Ho kgalla ho utlwa mantswe ao le ho a mamela nako e kgutshwanyane feela ho kotsi. Satane o ile a bua mantswe a mmalwa feela ho kgelosa Eva. (Ge 3:1, 4, 5) Re lokela ho etsang haeba motho eo re mo tsebang kapa ya re ratang a batla ho bua le rona ka ditaba tse fosahetseng ka mokgatlo wa Jehova le hoja a etsa seo ka sepheo se setle?
Shebellang VIDEO ya O se ke wa Mamela Lentswe la Motho e Mong ebe o botsa bamamedi potso ena:
O ithutileng ho seo Dipontsho a ileng a se etsa ha mme wa hae eo eseng Paki a ne a batla ho buisana le yena ka ditaba tse fosahetseng ka mokgatlo wa Jehova?
