Molao oo Modimo a o fileng Moshe o ne o bontsha hore haeba monna a batla ho hlala, o ne a lokela ho etsa lengolo la tlhalo. Sena se ne se thibela batho ho tatela ho hlala balekane ba bona. Le ha ho le jwalo, mehleng ya Jesu, baetapele ba bodumedi ba ne ba etsa hore ho be bonolo ho hlala. Monna o ne a ka hlala mosadi wa hae ka mabaka le ha e le afe. (“lengolo la bopaki” study note se ho Mar 10:4, nwtsty “ya hlalang mosadi wa hae,” “o a feba, mme o a mo sitelwa” study notes tse ho Mar 10: 11 nwtsty) Jesu o ile a hlokomedisa bamamedi ba hae hore Jehova ke yena mothehi wa lenyalo. (Mar 10:2-12) Monna le mosadi ba ne ba lokela ho ba “nama e le nngwe” tlamong ya ka ho sa feleng. Tlaleho e tshwanang le ena e hlahang ho Matheu e bontsha hore lebaka le leng feela leo Mangolo a dumellang tlhalo, ke haeba molekane e mong a entse “bofebe.”—Mat 19:9.

Mehleng ya kajeno, batho ba bangata ba tadima lenyalo jwalo ka Bafirisi eseng jwalo ka Jesu. Ha mathata a hlaha, batho ba potlakela ho hlala. Ka lehlakoreng le leng, banyalani ba Bakreste ba nka boitlamo ba bona ele ba bohlokwa ebile ba lwanela ho hlola mathata ao ba tobanang le ona ka ho sebedisa melaomotheo ya Bibele. Shebella video e reng Lerato le Tlhompho di Momahanya Malapa e be ka mora moo o araba dipotso tse latelang:

• O ka sebedisa Liproverbia 15:1 jwang lenyalong la hao, hona hobaneng ha see e le sa bohlokwa?

• Liproverbia 19:11 e ka o thusa jwang ho qoba mathata lenyalong la hao?

• Haeba lenyalo la hao le mothating wa ho qhalana, ho ka ba molemo ho ipotsa dipotso dife ho e na le ho tatela ho hlala?

• Matheu 7:12 e ka o thusa jwang hore o be monna kapa mosadi ya molemo?