Ka ha ha re a phethahala, re lokela ho dula re lwantsha ditakatso tsa rona. Haeba re hloleha ho etsa seo, setswalle sa rona le Jehova se ka senyeha. Batho ba bang ba amehile ka dintho tse kang dijo, diaparo le bodulo ho feta ho rata Modimo. Ba bang ba kgotsofatsa takatso ya bona ya ho etsa thobalano ka tsela e kgahlanong le melao ya Modimo. (Bar 1:26, 27) Ba bang ba bona ba susumelletseha ho etsa dintho tse fosahetseng hobane feela ba batla ho ratwa le ho amohelwa ke batho ba bang.​—Ex 23:2.

Re ka laola ditakatso tsa rona jwang? Re lokela ho etsa sohle seo re ka se kgonang ho kgahlisa Jehova. (Mat 4:⁠4) Re boetse re lokela ho kopa Jehova hore a re thuse ho laola ditakatso tsa rona. Hobaneng? Hobane Jehova o tseba se molemo bakeng sa rona ebile o a tseba hore na re ka kgotsofatsa ditakatso tsa rona jwang ka tsela e nepahetseng.​—Pes 145:16.

SHEBELLANG VIDEO YA HO TSUBA HO KA SENYA BOPHELO BA HAO EBE LE ARABA DIPOTSO TSE LATELANG:

• Ke hobaneng ha batho ba bang ba tsuba?

• Ho tsuba ho ka ba le ditlamorao dife?

• Ke hobaneng ha ho tsuba sakerete le Hubbly Bubbly ho le phoso?​—2Ko 7:1

• O ka hana jwang ha motho e mong a re o tsube? O ka tlohela ho tsuba jwang?