PHELA JWALOKA MOKRESTE

Dula o Itokiseditse Mathata a Moruo

E Bapale

Ha re makale ha re bona moruo o sa tsitse ka lebaka la dintho tse etsahalang lefatsheng. Hobaneng? Hobane re phela mehleng ya bofelo mme Bibele e re eletsa hore re se ke ra tshepa “maruo a ka felang.” (1Ti 6:17; 2Ti 3:1) Mohlala wa Morena Josafate o re rutang ka ho itokisetsa mathata a moruo?

Ha Josafate a hlaselwa, o ile a tshepa Jehova. (2Kr 20:9-12) O ile a boela a sireletsa setjhaba esale pele ka ho beha masole metseng yohle e sireleditsweng ka marako. (2Kr 17:1, 2, 12, 13) Jwalo ka Josafate, re lokela ho tshepa Jehova mme re itokisetse maemo a boima.

KE JWANG RE KA ITOKISETSANG MATHATA A MORUO?

Matlafatsa setswalle sa hao le Jehova: Kgotsofalla dintho tseo o nang le tsona o be o tshepe hore Jehova o tla o fa dintho tseo o di hlokang bakeng sa letsatsi ka leng. (Mat 6:26; 1Ti 6:8) O se ke wa kgaotsa ho sebedisa melaomotheo ya Bibele ka lebaka la dintho tseo o di hlokang. (Bar 2:21) Nahana ka hore na o tla fumana dintho tse tla o thusa ho matlafatsa setswalle sa hao le Jehova jwang haeba motlakase kapa Inthanete e ka ba siyo. Dula o ena le dikopi tse hatisitsweng tsa dingolwa tse thehilweng Bibeleng mme o daonloude dingolwa sesebedisweng sa elektronike esale pele haeba ho kgoneha.

Itokise esale pele bakeng sa dintho tseo o tla di hloka: Qoba dikoloto le ditshenyehelo tse sa hlokahaleng pele ho eba le mathata a moruo. (Pr 22:7) Boloka dijo tse ke keng tsa senyeha le dintho tse ding tse hlokahalang. Ba bang ba ka nna ba bona ho le molemo ho lema meroho e le hore ba boloke tjhelete.

SHEBELLANG VIDEO YA NA O ITOKISEDITSE DIKODUWA TSA TLHAHO? EBE LE ARABA DIPOTSO TSE LATELANG:

O ka etsang ho itokisetsa koduwa?

Karabo ya hao

Ke jwang o ka itokisetsang ho thusa ba bang?

Karabo ya hao

BUKANA YA SEBOKA SA BOPHELO BA BOKRESTE LE TSHEBELETSO YA RONA