Ha re etsa maeto a ho boela kapa re ithuta Bibele le batho, re lokela ho ba thusa hore ba utlwisise dintlha tsa bohlokwa. Ha re sebedisa dipapiso ho hlakisetsa batho dintlha tsa bohlokwa, seo se tla ba ama dipelo mme se tla ba thusa hore ba hopole seo ba ithutileng sona.

Ha o ntse o lokisetsa leeto la ho boela kapa thuto ya Bibele, o ka kgetha dintlha tsa bohlokwa tseo o batlang ho bua ka tsona. Ebe ka mora moo o kgetha mohlala o bonolo oo batho ba o tlwaetseng. (Mat 5:14-16; Mar 2:21; Lu 14:7-11) Leka ho sheba hore na motho eo o ithutang Bibele le yena ke motho ya jwang le hore na o rata ho etsa dintho dife. (Lu 5:2-11; Joh 4:7-15) Ha o bona motho eo o ithutang le yena a thabile ka lebaka la ho utlwisisa ntlha eo, le wena seo se tla o thabisa.

SHEBELLANG VIDEO YA EKETSA THABO YA HAO KA HO RUTA BATHO BIBELE​—NTLAFATSA TSELA EO O RUTANG KA YONA​—ETSA DIPAPISO HO HLAKISA DINTLHA TSA BOHLOKWA, EBE LE ARABA DIPOTSO TSE LATELANG:

• Ke hobaneng ha batho bao re ithutang Bibele le bona ba hloka ho thuswa hore ba utlwisise ditemana tsa Bibele?

• Niki o ile a sebedisa papiso ho hlakisa nnete e hlahang lengolong la Baroma 5:12 jwang?

• Dipapiso tse bonolo di ka thusa batho bao re ithutang Bibele le bona jwang?

• Ha re ruta batho Bibele, ke hobaneng ha re lokela ho sebedisa divideo le dintho tse ding tse hlahang tlasa dithulusi tsa ho ruta tse lokiseditsweng ke mokgatlo wa Jehova?