EBA MAFOLOFOLO MOSEBETSING WA BOBOLEDI | EBA MAFOLOFOLO MOSEBETSING WA BOBOLEDI
Ruta ka Tjheseho
Ha o tjheseha, o ka etsa hore le batho ba bang ba tjhesehe, ebile ba tla mamela ka hloko dintho tseo o di buang. Ha re tjheseha, re bontsha hore re nka molaetsa wa rona e le wa bohlokwa. Ho sa tsotellehe setso kapa botho ba rona, re ntse re ka lwanela hore re tjhesehe. (Bar 12:11) Re ka kgona ho etsa seo jwang?
Ntlha ya pele, nahana hore na molaetsa wa hao ke wa bohlokwa hakae. O na le monyetla wa ho ‘bolela ditaba tse molemo tsa dintho tse molemo!’ (Bar 10:15) Ntlha ya bobedi, nahana hore na ditaba tsa hao di ka ntlafatsa bophelo ba bamamedi ba hao jwang. Ba hloka ho utlwa ditaba tseo. (Bar 10:13, 14) Ntlha ya boraro, bua ka tjheseho. Tsamaisa matsoho, hlooho le mahetla ka tsela e loketseng o be o bontshe boikutlo ba hao sefahlehong.
SHEBELLANG VIDEO YA FUMANA THABO HA O NTSE O RUTA BATHO BIBELE—NTLAFATSA TSELA EO O RUTANG KA YONA—RUTA KA TJHESEHO, EBE LE ARABA DIPOTSO TSE LATELANG:
-
Keng e ileng ya fokotsa tjheseho ya Niki ya ho ithuta Bibele le Jade?
-
Niki o ile a thuswa ke eng hore a boele a tjhesehe?
-
Ha o tjheseha, o ka etsa hore le batho ba bang ba tjhesehe
Ke hobaneng ha re lokela ho ameha ka makgabane a matle a bamamedi ba rona?
-
Tjheseho ya rona e ka ama batho bao re ithutang Bibele le bona le batho ba bang jwang?
