EBA MAFOLOFOLO MOSEBETSING WA BOBOLEDI | EKETSA THABO YA HAO BOBOLEDING
Thusa Motho eo o Ithutang le Yena Hore a Ithute Leha a le Mong
E le hore batho bao re ithutang Bibele le bona ba be le tumelo e matla ba be ba rate Modimo, ha ba a lokela ho ithuta le rona feela. (Mat 5:3; Heb 5:12–6:2) Ba boetse ba lokela ho itlwaetsa ho ithuta Bibele le dingolwa tse ding ba le bang.
Ha o qala ho ithuta Bibele le motho mo bontshe hore na ho lokisetswa jwang mme o mo kgothalletse ho etsa jwalo. (mwb18.03 6) Mo kgothalletse hore a rapele pele a ithuta a le mong. Mo thuse ho sebedisa dithulusi tsa elektronike tseo re di sebedisang ho ithuta Bibele. Mo bontshe hore na a ka fumana jwang dintho tse ntjha ho jw.org le JW Broadcasting®. Mo thuse hore a bale Bibele ka mehla, a lokisetse diboka le hore a batle dikarabo tsa dipotso tseo a nang le tsona le ho nahanisisa ka seo a ithutang sona.
SHEBELLANG VIDEO YA THUSA MOTHO EO O ITHUTANG BIBELE LE YENA HORE A ITHUTE LEHA A LE MONG EBE LE ARABA DIPOTSO TSE LATELANG:
-
Nteboheleng o ile a thusa Dipontsho jwang ho hlokomela hore ho ithuta Bibele ha ho akarelletse ho tseba dikarabo feela?
-
Ke eng e kgodisitseng Dipontsho hore ke molemong wa rona hore ebe Jehova o hanela boitshwaro bo bobe ba thobalano?
-
Ruta motho eo o ithutang Bibele le yena hore na ke jwang a ka ithutang dintho tsa bohlokwa le ho di sebedisa bophelong ba hae
Dipontsho o ile a ithutang ka ho nahanisisa?
