Re thabile haholo hore ebe re na le buka le bukana tse ntjha tse tla re thusa ho ithuta Bibele le batho. Re rapela Jehova hore a hlohonolofatse boiteko ba rona ba ho etsa barutuwa ba bangata. (Mat 28:18-20; 1Ko 3:6-9) Re ka sebedisa dithulusi tsee tse ntjha jwang?

Buka ya O ka Thaba ka ho sa Feleng! lenaneo la ho ithuta Bibele, e tlo re ruta mokgwa o motjha wa ho ithuta Bibele le batho. Dintlha tsena tse latelang di tla re thusa ha re lokisetsa le ha re ithuta Bibele le batho. *

• Balang dirapa ebe ka mora moo le buisana ka dipotso

• Balang mangolo a ngotsweng “bala” ebe o thusa motho eo o balang le yena hore a utlwisise hore na a amana jwang le taba oe le ntseng le ithuta yona

• Bapala divideo mme le buisane ka tsona le sebedisa dipotso tse hlahang karolong ka nngwe

• Leka ho bua ka dintlha tsa kgaolo kaofela thutong e le nngwe

Ha o le tshimong e fa mongantlo bukana pele e le ho bona hore na o thabela ho ithuta. (Sheba lebokose le reng “ Ho Tsamaisa Bukana ya O ka Thaba ka ho sa Feleng! Leetong la Pele.”) Ha le qetile ho ithuta bukana mme motho eo o ithutang le yena a batla ho tswela pele, o ka mo fa buka ebe le qala kgaolong ya bone. Haeba le ntse le ithuta buka ya Bibele e re Rutang? kapa ya Ka Moo o ka Dulang o Ratwa ke Modimo di tloheleng ebe le qala ho bala buka ya O ka Thaba ka ho sa Feleng! mme o kgethe hore na le tla qala hokae.

SHEBELLANG VIDEO YA THABELA THUTO YA BIBELE EBE LE ARABA DIPOTSO TSE LATELANG:

• Motho eo o ithutang Bibele le yena o tla ithutang bukeng ee e ntjha?

• Ke hobaneng ha o lokela ho bontsha motho eo o qalang ho ithuta Bibele le yena video ee?

• O ka dula o kgothalletsa motho eo o ithutang le yena hore a finyelle eng?​—Sheba lebokose le reng, “ Seo o ka se Etsang Karolong ka Nngwe”