Manyalo a Bakreste a atlehileng a tlotlisa Jehova mme a etsa hore monna le mosadi ba thabe. (Mar 10:9) E le hore Bakreste ba thabe lenyalong, ba lokela ho latela melaomotheo ya Bibele haufiufi ha ba kgetha balekane.

O se ke wa kena leferehong ho fihlela o “fetile palesa ya botjha,” e leng nako eo maikutlo a ho etsa thobalano a leng matla hoo a ka o sitisang hore o etse qeto e nepahetseng. (1Ko 7:36) Ha o ntse o le lesoha, sebedisa nako eo ho matlafatsa setswalle sa hao le Jehova le ho ba le makgabane a Bokreste. Ho etsa jwalo ho tla o thusa hore o be le lenyalo le atlehileng.

Pele o dumela ho nyalana le motho, nka nako ya ho ithuta yena e le hore o ka tseba “motho ya ka sephiring wa pelo.” (1Pe 3:4) Haeba o qala ho ba le dipelaelo, buisana le motho eo o batlang ho nyalana le yena ka tsona. Motho ya lenyalong o lokela ho nahana haholo ka seo a ka se etsetsang molekane wa hae, eseng seo molekane wa hae a lokelang ho mo etsetsa sona. (Fil 2:3, 4) Ha le sebedisa melaomotheo ya Bibele pele le nyalana, ho tla ba bonolo ho e sebedisa le ha le se le nyalane mme seo se tla etsa hore le thabe lenyalong.

SHEBELLANG VIDEO YA HO ITOKISETSA LENYALO​—KAROLO YA 3: “BALA DITSHENYEHELO” EBE LE ARABA DIPOTSO TSE LATELANG:

• Lefereho la moradiwabo rona le Shane le qadile jwang?

• Moradiwabo rona o ile a hlokomela eng ka Shane ha a ntse a tswela pele ho ithuta yena?

• Batswadi ba moradiwabo rona ba ile ba mo thusa jwang mme o ile a etsa qeto efe e bohlale?