PHELA JWALO KA MOKRESTE
Dikarolo Tse ka o Thusang Tsa “O ka Thaba ka ho sa Feleng!”
Ha o sebedisa buka ya O ka Thaba ka ho sa Feleng!, na o thabela ho sebedisa divideo le dipotso tse hlahang ho yona? Dikarolo tse reng “Batho ba Bang ba Re,” “Seo o ka se Etsang” le “Batla” tsona? Ke dintho dife hape tse ka o thusang ha o ntse o ithuta Bibele le batho?—Mat 28:19, 20.
Dikgatiso: Haeba o sebedisa buka e hatisitsweng, o ka fumana divideo le dihlooho tse ding tse hlahang moo habobebe jwang? Bukeng e hlahang sesebedisweng sa elektronike, kgetha e nngwe ya dikarolo tse nne. Qetellong ya lethathamo la dikgaolo, o ka kgetha dikgatiso tsohle tsa karolo e itseng. (Sheba setshwantsho sa 1.)
Ho Sebedisa “Printed Edition”: Haeba o ithuta le motho o sebedisa sesebediswa sa elektronike, o ka nna wa bona ho le molemo ho sebedisa “Printed Edition” nakong eo le ntseng le ithuta. Ha o butse kgaolo, penya matheba a mararo a hlahang hodimo ka lehlakoreng ebe o kgetha “Printed Edition.” Tsela eo e hlahang ka yona e tla o thusa hore o lemohe hore na dintlha di hlaha jwang bukeng e hatisitsweng. Ho kgutlela morao, penya matheba a mararo hape ebe o kgetha “Digital Edition.”
“Na ke se ke Itokisitse?”: Mabokose a fumanehang ho elella qetellong ya buka, a bua ka dintho tse thusang motho hore a tshwanelehe ho ruta batho Bibele a sebetsa le phutheho le hore a kolobetswe. (Sheba setshwantsho sa 2.)
Ditlhaloso: Ditlhaloso tse hlahang qetellong ya buka di hlalosa dintlha tse ding tsa bohlokwa. Bukeng e hlahang sesebedisweng sa elektronike, ho na le linki e hlahang qetellong ya tlhaloso e o kgutlisetsang moo le neng le ntse le bala teng. (Sheba setshwantsho sa 2.)
Etsa bonnete ba hore le ithuta buka ya O ka Thaba ka ho sa Feleng! le motho ya tswelang pele hantle ho fihlela le e qeta esita le ha a se a kolobeditswe. O ka tswela pele o tlaleha nako, maeto a ho boela le thuto le haeba a se a kolobeditswe. Haeba o tsamaya le mohweletsi e mong mme a nka karolo nakong ya thuto le yena a ka tlaleha nako
