Lentswe la Modimo le re fa sohle seo re se hlokang ho sebetsana le mathata a bophelo mehleng ena ya bofelo. (2Ti 3:1, 16, 17) Le ha ho le jwalo, re ntse re hloka thuso ho fumana melaomotheo ya Bibele e tla re thusa ho sebetsana le maemo a itseng ka ho toba. Ka mohlala, na o motswadi ya hlokang thuso ka ho hodisa bana? Na jwalo ka motjha o thatafallwa ke ho sebetsana le diteko? Na o hlokahalletswe ke molekane? Ha o kena ho jw.org o tla fumana dingolwa, divideo le dikgatiso tse mamelwang tse thehilweng Bibeleng tse tla o thusa ho sebetsana le mathata.​—Lipr 2:3-6.

Leqepheng le qalang ho jw.org, tobetsa DITHUTO TSA BIBELE. (Sheba setshwantsho sa 1.) Kgetha sehlooho seo o se thabelang. Kapa o ka tobetsa LAEBRARI > DIHLOOHO ebe o kgetha sehlooho seo o se thabelang. (Sheba setshwantsho sa 2.) Dihlooho tse tshwanang di teng le ho JW Library^®. a O ka ikgethela hore na o batla ho sheba dihlooho tsena hokae. O ka boela wa sebedisa lebokose le ngotsweng “Batla” ho jw.org e le hore o ka fumana sehlooho se buang ka taba e itseng ka ho toba.

Ngola dihlooho tse latelang ka lebokoseng la “Batla” ebe o kgetha dihlooho tseo o ka thabelang ho di bala.

• Ho hodisa bana

• Batjha ba nang le kgatello ya maikutlo

• Ho hlokahallwa ke molekane