1 Likronike 15:1-29
15 A tsoela pele ho ikahela matlo+ Motseng oa Davida; a tsoela pele ho lokisetsa areka ea Molimo oa ’nete sebaka+ le ho e hlomela tente.
2 E bile nakong eo Davida a ileng a re: “Ha ho ea lokelang ho jara areka ea Molimo oa ’nete haese Balevi, etsoe ke bona bao Jehova a ba khethileng hore ba jare areka ea Jehova+ le ho mo sebeletsa+ ho isa nakong e sa lekanyetsoang.”
3 Joale Davida a phutha Baiseraele bohle Jerusalema+ hore ho nyolleloe areka+ ea Jehova sebakeng sa eona seo a neng a e lokiselitse sona.
4 Davida a bokella bara ba Arone+ le Balevi;
5 ho bara ba Kohathe, Uriele+ mookameli le barab’abo, ba le lekholo le mashome a mabeli;
6 ho bara ba Merari,+ Asaia+ mookameli le barab’abo, ba le makholo a mabeli le mashome a mabeli;
7 ho bara ba Gershome,+ Joele+ mookameli le barab’abo, ba le lekholo le mashome a mararo;
8 ho bara ba Elizafane,+ Shemaia+ mookameli le barab’abo, ba le makholo a mabeli;
9 ho bara ba Hebrone, Eliele mookameli le barab’abo, ba le mashome a robeli;
10 ho bara ba Uziele,+ Aminadabe mookameli le barab’abo, ba le lekholo le leshome le metso e ’meli.
11 Ho feta moo, Davida a bitsa baprista Tsadoke+ le Abiathare,+ le Balevi Uriele,+ Asaia+ le Joele,+ Shemaia+ le Eliele+ le Aminadabe,
12 eaba o tsoela pele ho re ho bona: “Ke lōna lihlooho+ tsa bo-ntate ba Balevi. Ikhalaletseng,+ lōna le barab’abo lōna, ’me le nyollele areka ea Jehova Molimo oa Iseraele sebakeng seo ke e lokiselitseng sona.
13 Kahobane ka lekhetlo la pele ha lea ka la etsa joalo,+ Jehova Molimo oa rōna o ile a re qhalakanya,+ etsoe ha rea ka ra mo batla ho ea ka tloaelo.”+
14 Kahoo baprista le Balevi ba ikhalaletsa+ hore ba nyolle areka ea Jehova Molimo oa Iseraele.
15 Joale bara ba Balevi ba qala ho jara+ areka ea Molimo oa ’nete mahetleng ka melamu,+ feela joalokaha Moshe a ne a laetse ka lentsoe la Jehova.
16 Joale Davida a re baokameli ba Balevi ba emise barab’abo bona ba libini+ ka liletsa tsa bona tsa pina,+ liletsa tse likhoele+ le liharepa+ le licymbala,+ ba li letsetsa holimo ho tsosa molumo oa thabo.
17 Ka lebaka leo Balevi ba emisa Hemane+ mora oa Joele, ’me ho barab’abo, ba emisa Asafe+ mora oa Berekia; ho bara ba Merari barab’abo bona, ba emisa Ethane+ mora oa Kushaia;
18 hammoho le bona ba emisa barab’abo bona ba sehlopha+ sa bobeli, Zakaria,+ Bene le Jaziele le Shemiramothe le Jehiele le Uni, Eliabe le Benaia le Maseia le Matithia le Elifelehu le Mikneia, le Obed-edomo+ le Jeiele balebeli ba liheke,
19 le libini Hemane,+ Asafe+ le Ethane, ka licymbala tsa koporo hore ba li letsetse holimo;+
20 le Zakaria le Aziele+ le Shemiramothe le Jehiele le Uni le Eliabe le Maseia le Benaia ka liletsa tse likhoele tse letsoang ka ho ipapisa le Alamothe,+
21 le Matithia+ le Elifelehu le Mikneia le Obed-edomo le Jeiele le Azazia ka liharepa+ tse letsoang ka ho ipapisa le Sheminithe,+ hore ba sebetse e le batsamaisi;
22 le Kenania+ mookameli oa Balevi ba jarang, a fana ka taelo ea ho jara, etsoe e ne e le setsebi;+
23 le Berekia le Elkana balebeli ba liheke+ bakeng sa Areka;
24 baprista Shebania le Joshafate le Nethaniele le Amasai le Zakaria le Benaia le Eliezere ba letsetsa literompeta+ holimo ka pel’a areka ea Molimo oa ’nete, le Obed-edomo le Jehia balebeli ba liheke bakeng sa Areka.
25 Davida+ le banna ba baholo ba Iseraele+ le balaoli+ ba ba likete ea e-ba bona ba tsamaeang hammoho ho ea nyolla areka ea selekane sa Jehova ntlong ea Obed-edomo+ ka thabo.+
26 Eitse ha Molimo oa ’nete a thusitse+ Balevi ha ba ntse ba jere areka ea selekane sa Jehova ba etsa sehlabelo ka lipohoana tse supileng le lipheleu tse supileng.+
27 Davida o ne a apere seaparo se se nang matsoho sa lesela la boleng bo botle, le Balevi bohle ba jereng Areka le libini le Kenania+ mookameli oa libini+ tse jarang; empa Davida o ne a apere efoda+ ea line.
28 Baiseraele bohle ba ne ba nyolla areka ea selekane sa Jehova ka mohoo+ oa thabo le ka ho letsa lenaka+ le ka literompeta+ le ka licymbala,+ ba letsetsa holimo ka liletsa tse likhoele le liharepa.+
29 Eitse ha areka ea selekane+ sa Jehova e fihla Motseng oa Davida, Mikale,+ morali oa Saule, a talima tlaase ka fensetere ’me a bona Morena Davida a tlōla-tlōla a keteka;+ a qala ho mo nyelisa+ ka pelong ea hae.
