1 Likronike 17:1-27
17 Eitse hang ha Davida a se a qalile ho lula ka tlung ea hae,+ Davida a re ho moprofeta Nathane:+ “Bona! ke lula ka tlung ea likedare,+ empa areka+ ea selekane sa Jehova e tlas’a masela a tente.”+
2 Ka mor’a moo Nathane a re ho Davida: “U etse ntho e ’ngoe le e ’ngoe e ka pelong ea hao,+ etsoe Molimo oa ’nete o na le uena.”+
3 Bosiung boo lentsoe+ la Molimo la tla ho Nathane, la re:
4 “E-ea, ’me u re ho mohlanka oa ka Davida, ‘Sena ke seo Jehova a se boletseng: “Hase uena ea tla nkahela ntlo eo ke tla lula ho eona.+
5 Etsoe ha ke e-s’o lule ka tlung ho tloha letsatsing la ha ke ntša Baiseraele ho fihlela letsatsing lena,+ empa ke ile ka lula ho tloha tenteng e ’ngoe ho ea ho e ’ngoe le ho tloha tabernakeleng+ e ’ngoe ho ea ho e ’ngoe.+
6 Nakong eohle eo ka eona ke tsamaileng+ har’a Baiseraele bohle, na ke ile ka bua lentsoe le le leng le e mong oa baahloli ba Iseraele bao ke ba laetseng hore ba lise batho ba ka, le reng, ‘Ke hobane’ng ha le sa nkahela ntlo ea likedare?’”’+
7 “Joale sena ke seo u tla se bolella mohlanka oa ka Davida, ‘Sena ke seo Jehova oa mabotho a se boletseng: “Ke u tlositse lekhulong moo u neng u latela mohlape+ hore u be moeta-pele+ oa sechaba sa ka sa Iseraele.
8 Ke tla ba le uena kae kapa kae moo u tsamaeang teng,+ ’me ke tla felisa lira+ tsohle tsa hao ka pel’a hao, ’me ka sebele ke tla u etsetsa lebitso+ le kang lebitso la ba baholo ba holim ’a lefatše.+
9 Ka sebele ke tla lokisetsa sechaba sa ka sa Iseraele sebaka ’me ke se hlome,+ ’me se tla lula moo se leng teng ’me ha se sa tla hlola se khathatsoa; bara ba ho se loke+ ha ba sa hlola ba se khathatsa, feela joalokaha ba ile ba etsa pele,+
10 esita le ho tloha matsatsing a ha ke beha baahloli+ hore ba laole sechaba sa ka sa Iseraele. Ka sebele ke tla kokobetsa lira tsohle tsa hao.+ Kea u bolella, ‘Jehova o tla boela a u hahele ntlo.’+
11 “‘“Etlare ha matsatsi a hao a phethahetse a hore u tsamaee u be le baholo-holo ba hao,+ ka sebele ke tla hlahisa peō ea hao ka mor’a hao eo e tlang ho ba e mong oa bara ba hao,+ ’me ruri ke tla tiisa borena+ ba hae ka thata.
12 Ke eena ea tla nkahela ntlo,+ ’me ka sebele ke tla tiisa terone ea hae ka thata ho isa nakong e sa lekanyetsoang.+
13 Ke tla ba ntat’ae,+ ’me eena e tla ba mora oa ka;+ nke ke ka tlosa mosa oa ka o lerato ho eena+ ka tsela eo ke ileng ka o tlosa ka eona ho ea tlileng pele ho uena.+
14 Ke tla etsa hore a eme ka tlung+ ea ka le boreneng+ ba ka ho isa nakong e sa lekanyetsoang, ’me terone+ ea hae e tla ba e tšoarellang ho isa nakong e sa lekanyetsoang.”’”
15 Nathane a bua le Davida ka tsela ena ho ea ka mantsoe ana ’ohle le ho ea ka pono ena eohle.+
16 Ka mor’a moo Morena Davida a kena ’me a lula ka pel’a Jehova+ eaba o re: “’Na ke mang,+ Jehova Molimo, ’me ntlo+ ea ka ke’ng hore ebe u ntlisitse bohōleng boo?+
17 Joalokaha eka sena se senyenyane mahlong a hao,+ Molimo,+ leha ho le joalo u bua mabapi le ntlo ea mohlanka oa hao ho ea fihla nakong e hōle e tlang,+ ’me u ntalimile ho ea ka monyetla oa motho ea boemong bo phahameng,+ Jehova Molimo.
18 Ke’ng se eketsehileng seo Davida a ka u bolellang sona mabapi le ho hlompha mohlanka oa hao,+ ha u tseba mohlanka oa hao hantle?+
19 Jehova, ka lebaka la mohlanka oa hao le tumellanong le pelo+ ea hao u entse lintho tsena tsohle tse khōlō ka ho tsebahatsa lintho tsohle tse khōlō tse finyeletsoeng.+
20 Jehova, ha ho ea tšoanang le uena,+ ’me ha ho Molimo haese uena+ mabapi le sohle seo re se utloileng ka litsebe tsa rōna.
21 Ke sechaba sefe se seng lefatšeng se tšoanang le sechaba sa hao sa Iseraele,+ seo Molimo oa ’nete a ileng a itopollela sona e le sechaba,+ ho iketsetsa lebitso la lintho tse khōlō tse finyeletsoeng+ le lintho tse tšosang ka ho leleka lichaba+ ka pel’a sechaba sa hao seo u se lopolotseng Egepeta?
22 U ile ua etsa hore sechaba sa hao sa Iseraele e be sechaba+ sa hao ho isa nakong e sa lekanyetsoang, ’me Jehova, ua fetoha Molimo oa sona.+
23 Joale, Jehova, lentsoe leo u le buileng malebana le mohlanka oa hao le malebana le ntlo ea hae e ke e be le tšepahalang ho isa nakong e sa lekanyetsoang, ’me u etse feela joalokaha u buile.
24 U etse hore lebitso+ la hao e be le tšepahalang ’me le be leholo+ ho isa nakong e sa lekanyetsoang, ho thoe, ‘Jehova oa mabotho,+ Molimo oa Iseraele,+ ke Molimo oa Iseraele,’+ ’me ntlo ea mohlanka oa hao Davida e be e tšoarellang ka pel’a hao.+
25 Etsoe Molimo oa ka, u senoletse mohlanka oa hao morero oa ho mo hahela ntlo.+ Ke ka lebaka leo mohlanka oa hao a fumaneng lebaka la ho rapela ka pel’a hao.
26 Joale, Jehova, u Molimo oa ’nete,+ ’me u tšepisa molemo ona malebana le mohlanka oa hao.+
27 Joale ikhethele ’me u hlohonolofatse ntlo ea mohlanka oa hao hore e hlole ka pel’a hao ho isa nakong e sa lekanyetsoang;+ etsoe Jehova, u hlohonolofalitse, ’me e hlohonolofalitsoe ho isa nakong e sa lekanyetsoang.”+
