1 Likronike 21:1-30
21 Satane a ema khahlanong le Baiseraele ’me a susumelletsa+ Davida hore a bale Baiseraele.
2 Kahoo Davida a re ho Joabe+ le ho baokameli ba sechaba: “E-eang, le bale+ Baiseraele ho tloha Beerseba+ ho ea Dane+ le ntlisetse palo ea bona e le hore nka e tseba.”+
3 Empa Joabe a re: “E se eka Jehova a ka eketsa batho ba hae ka makhetlo a lekholo ho feta kamoo ba leng kateng.+ Na hase bahlanka ba morena oa ka kaofela ha bona, Uena khosi ea ka morena? Ke hobane’ng ha moren’a ka a batla see?+ Ke hobane’ng ha a ka fetoha sesosa sa molato ho Iseraele?”
4 Leha ho le joalo, lentsoe+ la morena la hlōla Joabe, hoo Joabe a ileng a tsoa+ ’me a pholletsa le Iseraele eohle, ka mor’a moo a fihla Jerusalema.+
5 Joale Joabe a fa Davida palo ea batho ba ngolisitsoeng; Baiseraele bohle ea e-ba banna ba tsomulang sabole+ ba milione le likete tse lekholo, ’me Bajuda ea e-ba likete tse makholo a mane le mashome a supileng tsa banna ba tsomulang sabole.
6 Ha aa ka a ngolisa Levi+ le Benjamine har’a bona,+ hobane lentsoe la morena le ne le bile manyala ho Joabe.
7 Joale ntho ena e ne e le mpe mahlong a Molimo+ oa ’nete, kahoo a otla Baiseraele.
8 Ka lebaka leo Davida a re ho Molimo oa ’nete: “Ke entse sebe+ haholo ka hore ebe ke entse ntho ena. Joale, ka kōpo, etsa hore phoso ea mohlanka oa hao e fete;+ etsoe ke entse ka booatla bo boholo.”+
9 Jehova a bua le Gade,+ ea bonang lipono+ bakeng sa Davida, a re:
10 “E-ea, ’me u bue le Davida, u re, ‘Sena ke seo Jehova a se boletseng: “Ho na le lintho tse tharo tseo ke li rerileng khahlanong le uena.+ Ikhethele e ’ngoe ea tsona, e le hore nka u etsa eona.”’”+
11 Tumellanong le hoo Gade a kena ho Davida+ ’me a re ho eena: “Sena ke seo Jehova a se boletseng, ‘Ikhethele,
12 hore na ho be le tlala+ ka lilemo tse tharo; kapa hore ka likhoeli tse tharo u felisoe ka pel’a bahanyetsi+ ba hao le hore sabole ea lira tsa hao e u fihlele, kapa hore ka matsatsi a mararo ho tle sabole ea Jehova,+ esita le lefu la seoa,+ naheng, lengeloi la Jehova le tlise pheliso+ naheng eohle ea Iseraele.’ Joale bona seo ke tla se araba Ea nthomileng.”
13 Kahoo Davida a re ho Gade: “Ke mahlomoleng a maholo. Ka kōpo, e-re ke oele letsohong la Jehova,+ etsoe mehauhelo+ ea hae e mengata haholo; empa ke se ke ka oela letsohong la motho.”+
14 Joale Jehova a tlisa lefu la seoa+ Iseraele, hoo ho ileng ha oa batho ba likete tse mashome a supileng Iseraele.+
15 Ho feta moo, Molimo oa ’nete a romela lengeloi Jerusalema hore le e felise;+ hang ha le qala ho tlisa pheliso, Jehova a bona ’me a qala ho ikutloa a soabile ka lebaka la tlokotsi eo;+ kahoo a re ho lengeloi le neng le tlisa pheliso: “Ho lekane!+ Joale theola letsoho la hao.” Lengeloi la Jehova le ne le eme haufi le seotlo sa Ornane+ Mojebuse.+
16 Ha Davida a phahamisa mahlo, a bona lengeloi+ la Jehova le eme pakeng tsa lefatše le maholimo le tšoere sabole+ ea lona e tsomutsoeng le e otlolletse nģ’a Jerusalema; hang-hang Davida le banna ba baholo ba itihela fatše ka lifahleho,+ ba ikoahetse ka masela a mokotla.+
17 Davida a re ho Molimo oa ’nete: “Na hase ’na ea itseng ho baloe batho, ’me na hase ’na ea entseng sebe le eo ntle ho pelaelo a entseng bobe?+ Ha e le linku+ tsee, li entse’ng? Jehova Molimo oa ka, ka kōpo, letsoho la hao le ke le be holim ’a ka le holim ’a ntlo ea Ntate; empa eseng holim ’a batho ba hao,+ ka lefu la seoa.”
18 Lengeloi la Jehova la re Gade+ a bolelle Davida hore Davida o lokela ho nyoloha a e’o hlomela Jehova aletare seotlong sa Ornane Mojebuse.+
19 Ka lebaka leo Davida a nyoloha tumellanong le lentsoe la Gade leo a neng a le buile ka lebitso la Jehova.+
20 Khabareng, Ornane+ a reteleha ’me a bona lengeloi; bara ba hae ba bane ba neng ba e-na le eena ba ne ba ipatile. Joale Ornane o ne a ntse a pola koro.
21 Kahoo Davida a tla ho Ornane. Ha Ornane a talima ’me a bona Davida,+ kapele-pele a tsoa seotlong ’me a inamela Davida sefahleho sa hae se shebile fatše.
22 Joale Davida a re ho Ornane: “Mphe sebaka sena sa seotlo, e le hore nka hahela Jehova aletare ho sona. Mphe+ sona ka chelete e feletseng,+ e le hore lefu la seoa+ le ka emisoa holim ’a batho.”
23 Empa Ornane a re ho Davida: “Inkele sona,+ ’me khosi ea ka morena a ke a etse se molemo mahlong a hae. Bona, ke fana ka likhomo+ bakeng sa linyehelo tsa secheso le selei sa ho pola+ bakeng sa patsi+ le koro e le nyehelo ea lijo-thollo. Ke fana ka tsona kaofela.”+
24 Leha ho le joalo, Morena Davida a re ho Ornane: “Che, empa ruri ke tla reka ka chelete e feletseng,+ hobane nke ke ka isetsa Jehova sa hao hore ke nyehele mahlabelo a secheso ntle ho tefo.”
25 Kahoo Davida a fa Ornane lishekele tsa khauta tse boima ba makholo a tšeletseng+ bakeng sa sebaka seo.
26 Joale Davida a hahela Jehova aletare+ moo le ho nyehela mahlabelo a secheso le mahlabelo a kopanetsoeng, ’me a ipiletsa ho Jehova,+ eo joale a ileng a mo araba ka mollo+ o tsoang maholimong o tlang holim ’a aletare ea nyehelo ea secheso.
27 Ho feta moo, Jehova a laela lengeloi,+ leo tumellanong le hoo le ileng la khutlisetsa sabole ea lona selateng sa eona.
28 Nakong eo, ha Davida a bona hore Jehova o mo arabetse seotlong sa Ornane Mojebuse, a tsoela pele ho etsetsa mahlabelo moo.+
29 Empa ka nako eo tabernakele ea Jehova eo Moshe a neng a e entse lefeelleng le aletare ea nyehelo ea secheso li ne li le sebakeng se phahameng sa Gibeone.+
30 Davida o ne a sa ka a khona ho ea ka pel’a eona ho botsa Molimo, kaha o ne a tšohile+ ka lebaka la sabole ea lengeloi la Jehova.
