Numere 23:1-30
23 Joale Balame a re ho Balake: “Nkahele lialetare+ tse supileng nģalong ena ’me u ntokisetse lipoho tse supileng le lipheleu tse supileng nģalong ena.”
2 Kapele-pele Balake a etsa feela joalokaha Balame a ne a boletse. Ka mor’a moo Balake le Balame ba nyehela poho le pheleu aletareng ka ’ngoe.+
3 Balame a tsoela pele ho re ho Balake: “Ema pel’a nyehelo ea hao ea secheso,+ ’me u ntumelle hore ke tsamaee. Mohlomong Jehova o tla kopana le ’na a nkhahlanyetse.+ Tabeng eo eng kapa eng eo a tla mpontša eona, ka sebele ke tla u bolella eona.” Kahoo a ea leralleng le se nang letho.
4 Ha Molimo a kopana le Balame,+ joale a re ho Eena: “Ke behile lialetare tse supileng ka mekoloko, ’me ka nyehela poho le pheleu aletareng ka ’ngoe.”+
5 Tumellanong le hoo Jehova a kenya lentsoe molomong oa Balame+ ’me a re: “Khutlela ho Balake, ’me sena ke seo u tla se bua.”+
6 Kahoo a khutlela ho eena, ’me, bonang! eena le likhosana tsohle tsa Moabe ba ne ba eme pel’a nyehelo ea hae ea secheso.
7 Joale a bua puo ea hae ea maele+ ’me a re:“Balake morena oa Moabe o lekile ho ntsamaisa ho tloha Arame,+Ho tloha lithabeng tsa bochabela:‘Tloo, u nthohakele Jakobo.E, tloo, u nyatse Iseraele.’+
8 Ke joang nka rohakang bao Molimo a sa ba rohakang?+Ke joang nka nyatsang bao Jehova a sa ba nyatsang?+
9 Etsoe ke ba bona ke le tlhōrōng ea mafika,Ke ba bona ke le maralleng.E le sechaba ba tsoela pele ho lula teng ka nakoana ba arohile,+Ha ba ipalelle har’a lichaba.+
10 Ke mang ea balileng lerōle la Jakobo,+’Me ke mang ea balileng karolo ea bone ea Iseraele?Moea oa ka o ke o shoe lefu la ba lokileng,+’Me qetello ea ka hamorao e ke e tšoane le ea bona.”+
11 Eaba Balake o re ho Balame: “U nkentse’ng? Ke u nkile e le hore u rohake lira tsa ka, ’me bona! u li hlohonolofalitse ka ho feletseng.”+
12 Eaba oa araba o re: “Na ha kea lokela ho bua eng kapa eng eo Jehova a e kenyang molomong oa ka?”+
13 Joale Balake a re ho eena: “Ka kōpo, tloo le ’na sebakeng se seng seo u tla ba bona u le ho sona. U tla bona karolo ea bona feela,+ ’me u ke ke ua ba bona kaofela. U nthohakele bona u le moo.”+
14 Kahoo a mo isa tšimong ea Zofime, tlhōrōng ea Pisga,+ eaba o haha lialetare tse supileng le ho nyehela poho le pheleu aletareng ka ’ngoe.+
15 Ka mor’a moo a re ho Balake: “Ema mona pel’a nyehelo ea hao ea secheso, ’me, ha e le ’na, e-re ke kopane le eena mane.”
16 Ka mor’a moo Jehova a kopana le Balame ’me a kenya lentsoe molomong oa hae eaba o re:+ “Khutlela ho Balake,+ ’me sena ke seo u tla se bua.”
17 Kahoo a tla ho eena, ’me, bonang! o ne a eme pel’a nyehelo ea hae ea secheso, le likhosana tsa Moabe. Joale Balake a re ho eena: “Jehova o itse’ng?”
18 Eaba o bua puo ea hae ea maele ’me o re:+“Ema, Balake, ’me u mamele.’Mamele, Uena mora oa Zipore.+
19 Molimo hase motho hore a bue mashano,+Hape hase mora oa moloko oa batho hore a ikoahlaee.+Ha a buile na a ke ke a ho etsa,’Me ha a buile na a ke ke a ho phetha?+
20 Bonang! Ke nketsoe ho tla hlohonolofatsa,’Me O hlohonolofalitse,+ ’me nke ke ka ho etsolla.+
21 Ha aa talima matla+ leha e le afe a boselamose khahlanong le Jakobo,’Me ha aa bona khathatso ea letho khahlanong le Iseraele.Jehova Molimo oa hae o na le eena,+’Me ho thoholetsa morena ka mantsoe a phahameng ho ho eena.
22 Molimo o ba ntša Egepeta.+O lebelo joaloka poho e hlaha.+
23 Etsoe ha ho mantsoe a boloi a bakelang Jakobo bomalimabe,+Kapa bonohe leha e le bofe khahlanong le Iseraele.+Nakong ena ho ka thoe ka Jakobo le Iseraele,‘Bonang seo Molimo a se hlahisitseng!’+
24 Bonang, sechaba se tla tsoha joaloka tau,’Me joaloka tau se tla phahama.+Se ke ke sa robala se e-s’o je phofu,’Me se tla noa+ mali a ba bolailoeng.”
25 Eaba Balake o re ho Balame: “Ka lehlakoreng le leng, haeba u sa mo rohake, joale, ka lehlakoreng le leng, ha ua lokela ho mo hlohonolofatsa ho hang.”
26 Eaba Balame oa araba o re ho Balake: “Na ha kea ka ka bua le uena, ka re, ‘Ke tla etsa sohle seo Jehova a tla se bua’?”+
27 Joale Balake a re ho Balame: “Ka kōpo, tloo. E-re ke u ise sebakeng se seng hape. Mohlomong e tla ba ho nepahetseng mahlong a Molimo oa ’nete hoo ka sebele u tlang ho nthohakela eena u le moo.”+
28 Eaba Balake o isa Balame tlhōrōng ea Peore, e shebileng ka nģ’a Jeshimone.+
29 Joale Balame+ a re ho Balake: “Nkahele lialetare tse supileng nģalong ena ’me u ntokisetse lipoho tse supileng le lipheleu tse supileng nģalong ena.”+
30 Kahoo Balake a etsa feela joalokaha Balame a ne a boletse, ’me a qala ho nyehela poho le pheleu aletareng ka ’ngoe.+
