Lengolo la Pele la Petrose 5:1-14
5 Ke etsa kopo ena ho baholo ba teng har’a lona hobane le ’na ke moholo joaloka bona ebile ke bone ha Kreste a hlorisoa ’me joaloka lona ke tla fumana tlotla e tla senoloa.+
2 Ke kopa hore le lise mohlape oo Molimo+ a le fileng oona hore le o hlokomele. Le o hlokomele hobane le rata eseng hobane le qobeletsoe kaha ke eona ntho eo Molimo a e batlang.+ E be ka lerato eseng hobane ka meharo le batla ho ithuisa.+
3 Le se ke la hatella batho ba Molimo+ empa le behele mohlape mohlala.+
4 Ha molisa ea ka sehloohong+ a bonahalitsoe, le tla fuoa korone ea khanya e ke keng ea senyeha.+
5 Lona bahlankana, le ikokobeletse baholo.*+ Kaofela ha lona le ikokobetse ha le sebelisana hobane Molimo ha a rate batho ba ikhohomosang empa ho ba ikokobelitseng o mosa.*+
6 Le ikokobeletse Molimo ea matla e le hore a ka le phahamisa nakong e loketseng.+
7 Lahlelang lintho tsohle tse le tšoenyang ho eena+ hobane oa le tsotella.+
8 E-bang bohlale ’me le falimehe.+ Sera sa lona Diabolose se tsamaea joaloka tau e purumang e batlang ho harola e mong.+
9 Leha ho le joalo, le mo hanyetse+ ka hore le be le tumelo e matla, le tsebe hore lintho tse bohloko tse le hlahelang li ntse li hlahela bana ba bo lona bohle lefatšeng.+
10 Ka mor’a hore le utloe bohloko ka nakoana, Molimo ea bontšang mosa* ka litsela tse sa tšoaneng, ea le bitselitseng hore le tlotlisoe ka ho sa feleng+ ka Kreste, o tla qetela koetliso ea lona. O tla le tiisa,+ a le thuse hore le lule le tšepahala a be a le matlafatse.+
11 Matla ke a hae ka ho sa feleng. Amen.
12 Ke kopile Silvanase*+ ngoan’abo rona ea tšepahalang hore a nthuse ho ngola lengolo lena e le hore ke le khothatse le hore ke le bontše hore kannete Molimo o bile mosa haholo ho lona. Le se ke la o tlohela.
13 Mosali* ea Babilona ea khethiloeng joaloka lona o re le lumele le Mareka+ mora oa ka o re le lumele.
14 Le lumelisane ka lerato.*
E se eka kaofela ha lona balateli ba Kreste le ka ba le khotso.
Linaletsana
^ Kapa: “banna ba holileng.”
^ Lebitso le leng la hae ke Silase.
^ Mona e ka ’na eaba mosali ke phutheho.
^ Ka Segerike: “kako e lerato.”
