Amose 2:1-16
2 Jehova o itse:
‘“Baahi ba Moabe+ ba ntšitetsoe ka makhetlo-khetlo.* Kahoo, nke ke ka fetola qeto eo ke seng ke e entseHobane ba chesitse masapo a morena oa Edomo ho fihlela e e-ba molora.*
2 Ke tla romela mollo Moabe’Me o tla chesa litora tse sirelelitsoeng tsa Keriothe.+
Moabe e tla shoa ho le lerata,Ho etsoa mokhosi oa ntoa ho bile ho letsoa lenaka.+
3 Ke tla bolaea ’musi* oa Moabe,Ke bolaee le likhosana tsa eona,”+ ke Jehova ea chong.’
4 Jehova o re:
‘Baahi ba Juda+ ba ntšitetsoe ka makhetlo-khetlo.* Kahoo, nke ke ka fetola qeto eo ke seng ke e entseHobane ha baa ka ba mamela molao oo ’na Jehova ke ba fileng oona.
Ba iphapanyetsa litaelo tsa ka.+
Ba khelositsoe ke mashano ao baholo-holo ba bona ba neng ba a lumela.+
5 Kahoo, ke tla romela mollo Juda.
O tla chesa litora tse sirelelitsoeng tsa Jerusalema.’+
6 Jehova o re:
‘Baahi ba Iseraele+ ba ntšitetsoe ka makhetlo-khetlo.* Kahoo, nke ke ka fetola qeto eo ke e entsengHobane ba rekisa motho ea lokileng hore ba fumane silevera.
Mofutsana eena ba mo rekisa hore ba fumane lieta.*+
7 Ba hatakela bafutsana joalokaha motho a hatakela mobu,+Ba tšoara batho ba bonolo hampe.+
Ntate le mora ba robala le mosali a le mong,Ba tella lebitso la ka le halalelang.
8 Ba tjapalla pel’a aletare e ’ngoe le e ’ngoe,+ holim’a liaparo tseo batho ba li behileng paneng* bakeng sa likoloto tsa bona.+
Veine eo ba e noellang matlong* a melimo ea bona ke eo ba patalisitseng batho ka eona.
9 Ke ile ka ba bolaela Baamore+Ba balelele joaloka lifate tsa likedare, ba matla joaloka lifate tsa ouku,*Ka felisa litholoana tsa bona, ka fothola metso ea bona.+
10 Ka ba ntša Egepeta,+Ka ba tsamaisa lefeelleng ka lilemo tse 40+Hore ba rue naha ea Baamore.
11 Ke khethile ba bang ba bara ba bona hore e be baprofeta,+Ka khetha bahlankana ba bang hore e be Banazari.+
Baiseraele, na ha ho joalo?’ ke Jehova ea chong.
12 ‘Empa ba noesa Banazari veine,+Ba re baprofeta ba tlohele ho profeta.+
13 Ke tla ba hatakelaJoalokaha sekosekara* se tšetseng lijo* tse qetang ho kotuloa se hatakela ntho e ka tlas’a sona.
14 Ha ho moo ea lebelo a tla balehela teng,+Senatla se tla felloa ke matlaLe mohlabani a ke ke a khona ho ipholosa.
15 Ea sebelisang seqha a ke ke a khona ho itoanela,Ea lebelo a ke ke a khona ho balehaLe ea palamang pere a ke ke a khona ho pholoha.
16 Mohlabani ea sebete* le eenaO tla baleha a hlobotse letsatsing leo,’+ ke Jehova ea chong.
Linaletsana
^ Ka Seheberu: “hore e be kalaka.”
^ Ka Seheberu: “ka makhetlo a mararo le ka makhetlo a mane.”
^ Ka Seheberu: “moahloli.”
^ Ka Seheberu: “ka makhetlo a mararo le ka makhetlo a mane.”
^ Ka Seheberu: “ka makhetlo a mararo le ka makhetlo a mane.”
^ Ka Seheberu: “meqathatso.”
^ Kapa: “behelelitseng.” Ntho eo motho a e sieang ha a etsa sekoloto.
^ Kapa: “litempeleng.”
^ Kapa: “eike.”
^ Kapa: “kariki ea masimong.”
^ Ka Seheberu: “lijo-thollo.” Sheba Tlhaloso.
^ Kapa: “ea pelo e thata.”
