Amose 9:1-15
9 Ka bona Jehova+ a eme ka holim’a aletare eaba o re: “Otla karolo e ka holimo* ea lipilara metheo ea ntlo e sisinyehe. U thuhe lihlooho tsa tsona* ebe ba salang ke ba bolaea ka sabole. Ea balehang a ke ke a phonyoha, ea lekang ho phonyoha a ke ke a atleha.+
2 Leha ba ka cheka ba ipata ka Lebitleng,*Ke tla ba ntša hona moo.
Leha ba ka nyolohela leholimong,Ke tla ba theola moo.
3 Haeba ba ka ipata thabeng ea Karmele,Ke tla ba batla ke ba theole moo.+
Ha ba ka ipatela ’na bolibeng ba leoatle,Ke tla romela noha moo hore e ba lome.
4 Haeba ba haptjoa ke lira tsa bona,Ke tla ba romella sabole hore e ba bolaee.+
Ke tla ba lisa e le hore ke ba etsetse bomalimabe eseng litlhohonolofatso.+
5 ’Musi oa Lintho Tsohle, Jehova oa mabotho ke eena ea tšoarang naha eohle*Ebe ea qhibiliha,+ baahi bohle ba eona ba lle.+
Naha e tla loebehlana joaloka Noka ea Nile,Ba tla loebehlana joaloka Nile ea Egepeta ha e tletse.+
6 Ke eena ea hahang litepisi tsa hae leholimong,O entse metheo ea mohaho oa hae lefatšeng.
Ke eena ea bokellang metsi a leoatleEbe o a tšela lefatšeng.+
Lebitso la hae ke Jehova.+
7 Jehova o re: ‘Lona Baiseraele, le joaloka Bakushe ho ’na.
Ke le ntšitse naheng ea Baegepeta,+Ka ntša Bafilista Kreta+ le Siria ka e ntša Kire.’+
8 Jehova o re: ‘ ’Na Jehova ’Musi oa Lintho Tsohle ke shebile ’muso o tletseng sebe,Ke tla o tlosa holim’a lefatše+Empa nke ke ka timetsa bana ba Jakobo kaofela.’+
9 Ke laela horeNtlo ea Iseraele e tsukutlehe har’a lichaba tsohle,+E tsukutlehe joalokaha motho a tsukutla sefeEmpa ho se na letho le oelang fatše.
10 Baetsalibe bohle ba sechaba sa ka ba tla bolaoa ka sabole,Bohle ba reng: ‘Re ke ke ra hlaheloa ke tlokotsi kapa ea re atamela.’
11 Ke tla phahamisa ntlo* ea Davida+ e oeleng,Ke koale likheo tse maboteng a eona,*Ke e lokiseKe etse hore e tšoane le mehleng ea khale+
12 E le hore batho ba ka ba ka hapa Baedomo ba setseng+Le ho busa lichaba tsohle tse bitsoang ka lebitso la ka,’ Jehova e leng eena ea etsang lintho tsena ke eena ea chong.
13 Jehova o re: ‘Matsatsing ao,Nako ea ho lema e tla fihla pele lijalo li kotuloa,Nako ea ho jala e tla fihla pele morara o tlhotloa+Ebe lithaba li rotha veine e monate,+Maralla ’ohle a qhibilihe.+
14 Ke tla lata sechaba sa ka sa Iseraele se neng se hapuoe,+Ba tla nchafatsa metse ea bona ’me ba lule ho eona,+Ba tla lema masimo a morara ebe ba noa veine ea oona,+Ba be ba je lintho tseo ba li lemmeng masimong a bona.’+
15 Hape Jehova Molimo oa lona o re:
‘Ke tla tsitsisa Baiseraele naheng ea bona,Ba ke ke ba hlola ba tlosoa naheng eo ke ba fileng eona.’”+
Linaletsana
^ Ka Seheberu: “hlooho.”
^ Kapa mohlomong: “karolo e holimo ea lipilara.”
^ Kapa: “Sheole.” Sheba Tlhaloso.
^ Kapa: “lefatše.”
^ Kapa: “tente; lephephe.”
^ Kapa: “bona.”
