Esaia 11:1-16
11 Ho tla hlaha lekala+ kutung ea Jese,+Lehlomela+ le tsoang metsong ea hae le tla beha litholoana.
2 Moea oa Jehova o tla ba le eena,+Moea oa bohlale+ le oa kutloisiso,Moea oa keletso le oa matla,+Moea oa tsebo le oa ho tšaba Jehova.
3 O tla thabela ho tšaba Jehova.+
A ke ke a ahlola ho ea ka ntho eo a e bonangKapa a khalemela feela ho ea ka ntho eo a e utloileng.+
4 O tla ahlola bafutsana ka toka,*A khalemele ka ho loka molemong oa ba bonolo ba lefatše.
O tla otla lefatše ka mantsoe a hae,*+A bolaee ea khopo ka se tsoang molomong oa hae.*+
5 Ho loka e tla ba lebanta thekeng la hae,Botšepehi e be lebanta la letheka la hae.+
6 Phiri e tla phomola le konyana,+Lengau le bothe le potsanyane,Namane, tau* le phoofolo e nonneng li be ’moho.*+
Moshanyana o tla li etella pele.
7 Khomo e tla fula le bere,Manamane a tsona a bothe ’moho.
Tau e tla ja joang joaloka poho.+
8 Ngoana ea anyang o tla bapalla mokoting oa noha ea masumu,Ngoana ea khoesitsoeng* a behe letsoho ka holim’a mokoti oa noha e chefo.
9 Li ke ke tsa lematsa batho+Kapa tsa baka tšenyo thabeng eohle ea ka e halalelang+Hobane hohle lefatšeng batho ba tla tseba Jehova,Joalokaha metsi a koahela leoatle.+
10 Letsatsing leo, e mong ea tsoang lelapeng la Jese*+ o tla ema e le pontšo* bakeng sa lichaba.+
Lichaba li tla batla tataiso ho eena*+’Me ho tla khanya moo a lulang.*
11 Letsatsing leo, Jehova o tla ithaopela ho bontša matla a hae ka lekhetlo la bobeli, bakeng sa ho lata batho ba hae ba setseng Asiria,+ Egepeta,+ Pathrose,+ Kushe,+ Elame,+ Shinare,* Hamathe le lihlekehlekeng tsa leoatle.+
12 O tla phahamisetsa lichaba letšoao* ’me a bokelle ba qhalakantsoeng ba Iseraele.+ Ba hasantsoeng ba Juda o tla ba bokella ho tsoa likhutlong tse ’nè tsa lefatše.+
13 Mona oa Efraime o tla fela+Le lira tsa Juda li felisoe.
Efraime e ke ke ea monela JudaKapa hore Juda e hlorise Efraime.+
14 Bajuda ba tla fofela lilomo* tsa Bafilista ka bophirimela,Ba tlatlape batho ba Bochabela ba le ’moho.
Ba tla hlola* Edomo+ le Moabe+’Me ba tla busa Baamone.+
15 Jehova o tla arola* kou* ea leoatle la Egepeta,+A foke letsoho la hae holim’a Noka.*+
O tla otla linokana tsa eona* tse supileng ka moea oa hae,A etse hore batho ba e tšele ba ntse ba roetse lieta.*
16 Ho tla ba le tsela e kholo bakeng sa batho+ ba hae ba setseng Asiria hore ba tsoe+Feela joalokaha e ile ea e-ba teng mohla Iseraele e neng e tsoa naheng ea Egepeta.
Linaletsana
^ Kapa: “ho loka.”
^ Ka Seheberu: “thupa ea molomo oa hae.”
^ Ka Seheberu: “ka moea oa molomo oa hae.”
^ Kapa mohlomong: “Namane le tau li tla ja ’moho.”
^ Kapa: “taoana e moetse.”
^ E leng ha ngoana a se a tlohelisitsoe ho nyanya.
^ Ka Seheberu: “sebakeng sa hae sa phomolo.”
^ Kapa: “Lichaba li tla mo batla.”
^ Kapa: “palo.”
^ Ka Seheberu: “motso oa Jese.”
^ E leng Babilonia.
^ Kapa: “palo.”
^ Ka Seheberu: “lehetla.”
^ Kapa: “otlollela matsoho a bona ho.”
^ Kapa mohlomong: “pshese.”
^ Ka Seheberu: “leleme.”
^ E leng noka ea Eufrate.
^ Kapa mohlomong: “O tla e etsa linokana.”
^ Ka Seheberu: “meqathatso.”
