Esaia 26:1-21
26 Letsatsing leo, ho tla binoa pina+ ena naheng ea Juda:+
“Re na le motse o matla.+
Molimo o etsa hore mabota le marako a oona a tšireletso e be poloko.+
2 Bulang likeiti+ e le hore sechaba se lokileng se kene,Sechaba se etsang lintho ka botšepehi.
3 U tla sireletsa batho ba itšetlehang ka uena ka botlalo.*
U tla ba fa khotso e sa feleng+Hobane ba tšepile uena.+
4 Tšepang Jehova ka ho sa feleng+Hobane Jah* Jehova ke Lefika kamehla le mehla.+
5 O kokobelitse ba ahileng phahameng, motseng o phahameng.
O o theolela fatše,O o kokobeletsa fatše.
O o lahlela fatše leroleng.
6 O tla hatakeloa keMaoto a ea mahlomoleng, mehato ea bafutsana.”
7 Tsela ea motho ea lokileng e lokile.*
Kaha u lokile,U tla batalatsa tsela ea motho ea lokileng.
8 Jehova, ha re ntse re tsamaea tseleng ea hao ea ho loka,Re tšepile uena.
Re labalabela lebitso la hao le sehopotso sa hao.*
9 Ke u batla ka matla* bosiu,Ke lula ke u batla ka cheseho+Hobane ha ho e-na le likahlolo tse tsoang ho uena bakeng sa lefatše,Baahi ba lefatše ba ithuta ho loka.+
10 Le haeba motho ea khopo a ka hauheloa,A ke ke a ithuta ho loka.+
O tla etsa bokhopo leha a le naheng ea ho loka+’Me a ke ke a bona boholo ba Jehova.+
11 Jehova, letsoho la hao le phahame empa ha ba le bone.+
Ba tla bona hore u tšabana ka batho ba hao ’me ba tla soaba.
Ba tla chesoa ke mollo o etselitsoeng bahanyetsi ba hao.
12 Jehova, u tla re fa khotso+Hobane ntho e ’ngoe le e ’ngoe eo re e entseng,Ke uena ea re thusitseng hore re e etse.
13 Jehova Molimo oa rona, re kile ra busoa ke benghali ba bang ntle ho uena+Empa re bua ka lebitso la hao feela.+
14 Ba shoele, ba ke ke ba phela.
Ha ba na matla, ba ke ke ba ema+Hobane u ba ahlotseHore u ba timetse e le hore batho ba se ke ba hlola ba ba hopola.
15 U ekelitse sechaba, Jehova,U ekelitse sechaba.
U itlotlisitse.+
U atolositse meeli eohle ea naha haholo.+
16 Jehova, ba tlile ho uena nakong ea mahlomola.
Ha u ba khalemela, ba rapetse ka matla ka lentsoe le tlase.+
17 Feela joaloka mosali oa moimana ha a le haufi le ho beleha,A e-ba le mahlaba a pelehi ’me a bokolla,Le rona re bile joalo ka lebaka la hao, Jehova.
18 Re ile ra ima, ra ba le mahlaba a pelehiEmpa e ne eka re tsoetse moea.
Ha rea pholosa naha’Me ha ho motho ea tsoaletsoeng ho tla phela naheng.
19 Molimo o re: “Bafu ba hao ba tla phela.
Litopo* tsa ka li tla tsoha.+
Tsohang ’me le hoeletse le thabile,Lona ba ahileng leroleng.+
Phoka ea lona e tšoana le phoka ea hoseng*’Me lefatše le tla etsa hore bafu ba phele.*
20 E-ea, sechaba sa ka, kena likamoreng tsa hao tse ka hare,U koale mamati.+
Ipate ka nakoanaHo fihlela khalefo* e fetile.+
21 Jehova o tloha sebakeng sa haeHo bitsa baahi ba naha hore ba ikarabelle bakeng sa phoso ea bona,Naha e tla pepesa mali a tšolotsoeng ho eona’Me ha e sa tla hlola e koahela batho ba eona ba bolailoeng.”
Linaletsana
^ Kapa mohlomong: “bao maikutlo a bona a tsitsitseng.”
^ “Jah” ke khutsufatso ea lebitso Jehova.
^ Kapa: “bataletse.”
^ E leng hore batho ba hopole Molimo le lebitso la hae ’me le tsebahatsoe.
^ Kapa: “ka moea oa ka.”
^ Ka Seheberu: “Setopo.”
^ Kapa mohlomong: “phoka ea litlama (tika-motse).”
^ Kapa: “le tla tsoala ba se nang matla lefung.”
^ Kapa: “nyatso.”
