Esaia 27:1-13
27 Letsatsing leo, Jehova o tla otla Leviathane,* noha e tsoelipanang,Leviathane, noha e ikharelang,A e otle ka sabole ea hae e bohale, e kholo le e matla.+
O tla bolaea phoofolo ea tonanahali e leoatleng.
2 Letsatsing leo mo bineleng le re:*“Serapa sa morara sa veine.+
3 ’Na, Jehova, kea mo sireletsa.+
Ke mo nosetsa kamehla.+
Ke mo sireletsa bosiu le motšehareE le hore ho se ke ha e-ba le mang kapa mang ea mo ntšang kotsi.+
4 Ha ke sa mo halefetse.+
Haeba motho a beha lihlahla tse meutloa le litlama-tlama ka pel’a ka,Ke tla li hatakela, ke li chese kaofela ke be ke mo loantše.
5 Ho e-na le hoo, a ke a batle setšabelo qhobosheaneng ea ka.
A ke a bope khotso le ’na,A ke a bope khotso le ’na.”
6 Matsatsing a tlang Jakobo o tla mela ka metso,Iseraele o tla hlahisa lithunthung ’me a hlomele.+
Ba tla tlatsa naha ka lihlahisoa.+
7 Na o lokela ho shapuoa hampe hakaale?
Na o lokela ho bolaoa joaloka batho ba hae ba bolailoeng?
8 U tla mo loantša ka mohoo o tšosang ha u mo tebela.
U tla mo leleka ka bohale bo tšosang mohla ho fokang moea oa bochabela.+
9 Ka hona, phoso ea Jakobo e tla koaheloa ka tsela ena+’Me tsena e tla ba litholoana tse feletseng ha sebe sa hae se tlosoa:
O tla etsa hore majoe ’ohle a aletare a beJoaloka majoe a choko a silakantsoeng.
Ha ho na lipalo tse halalelang* kapa liluloana tsa libano tse tla sala.+
10 Motse o sirelelitsoeng ka thata o tla lahloa.
Makhulo a tla tloheloa ’me a lahloe kherehloa joaloka lefeella.+
Namane e tla fula teng, e bothe teng.
E tla ja makala a hae.+
11 Ha makalana a hae a omeletse,Basali ba tla tla, ba a khaole,Ba bese mollo ka ’ona.
Batho bana ha ba na kutloisiso.+
Ka lebaka leo, Moetsi oa bona a ke ke a ba hauhela,’Mopi oa bona a ke ke a ba utloela bohloko.+
12 Letsatsing leo, Jehova o tla hlohlora litholoana ho tloha molapong o phallang oa Noka* ho ea khohlong* ea Egepeta+ ’me le tla nkoa ka ho latellana, lona batho ba Iseraele.+
13 Letsatsing leo, ho tla letsoa lenaka le leholo+ ’me ba timelang naheng ea Asiria+ le ba qhalakaneng naheng ea Egepeta+ ba tla tla ’me ba inamele Jehova thabeng e halalelang Jerusalema.+
Linaletsana
^ E ka ’na eaba ho buuoa ka Iseraele. O tšoantšoa le serapa sa morara.
^ E leng ea Eufrate.
