Esaia 49:1-26
49 ’Mameleng, lona lihlekehleke,Utloang, lona lichaba tse hole.+
Jehova o mpitsitse le pele ke hlaha.*+
Ho tloha ke sa le ka popelong ea ’Mè, o bitsitse lebitso la ka.
2 O entse hore molomo oa ka o be joaloka sabole e bohale.
O mpatile moriting oa letsoho la hae.+
O entse hore ke be lerumo le leolitsoeng,A mpata ka mokotleng oa hae o tšelang metsu.
3 A re ho ’na: “U mohlanka oa ka, uena Iseraele,+Eo ke tla bonahatsa botle ba ka ka eena.”+
4 Empa ka re: “Ke sehletse lefeela.
Ke sentse matla a ka bakeng sa ntho e sieo.
Empa kannete Jehova ke eena ea nkahlolang*Le moputso oa ka o ho Molimo oa ka.”+
5 Joale Jehova ea nkentseng ho tloha ka popelong ke le mohlanka oa hae,O itse ke khutlisetse Jakobo ho eenaE le hore Iseraele e bokelleloe ho eena.+
Ke tla tlotlisoa mahlong a Jehova’Me Molimo oa ka e tla be e le matla a ka.
6 Eaba o re: “Ha hoa lekana hore ebe u mohlanka oa kaBakeng sa ho hlahisa maloko a JakoboLe ho khutlisa ba sirelelitsoeng ba Iseraele feela.
Ke boetse ke fane ka uena u le leseli la lichaba+E le hore poloko ea ka e ka fihla likhutlong tsa lefatše.”+
7 Jehova, Molopolli oa Iseraele, Mohalaleli oa eona,+ o re ho ea rohakiloeng,+ ho ea hloiloeng ke sechaba, ho mohlanka oa babusi:
“Marena a tla bona ’me a raoheLe likhosana li tla inamaKa lebaka la Jehova, ea tšepahalang,+Mohalaleli oa Iseraele, ea u khethileng.”+
8 Jehova o re:
“Ke ile ka u araba+ ka nako ea mosa* oa ka’Me ka u thusa ka letsatsi la poloko.+
Ke ’nile ka u sireletsa e le hore ke fane ka uena u le selekane bakeng sa batho+Hore u etse hore naha e boele e be le baahi,Ho etsa hore ba je mafa a bona a lahliloeng kherehloa.+
9 Ho tla thoe ho batšoaruoa: ‘Tsoang!’+
Le ho ba lefifing:+ ‘Itlhahiseng!’
Ba tla jella pel’a litsela,Makhulo a bona a be pel’a litsela tsohle.*
10 Ba ke ke ba lapa kapa ba nyoroa,+Ba otloa ke mocheso o bataolang kapa letsatsi.+
Molimo ea ba hauhelang o tla ba etella pele,+O tla ba isa lilibeng tsa metsi.+
11 Ke tla etsa hore lithaba tsohle tsa ka e be tselaLe litsela tsa ka tse kholo li tla phahamisoa.+
12 Batho bana ba tla ba tsoa hole,+Bana ba tsoa leboea le bophirimela’Me bana bona ba tsoa naheng ea Sinime.”+
13 Hoeletsang le thabile, lona maholimo ’me u thabe, uena lefatše.+
Lithaba li ke li nyakalle, li hoeletse li thabile.+
Jehova o tšelisitse batho ba hae,+O hauhela batho ba hae ba mahlomoleng.+
14 Empa Sione o ile a ’na a re:
“Jehova o ntahlile.+ Jehova o ntebetse.”+
15 Na mosali a ka lebala ngoana oa hae ea anyangKapa a hloleha ho hauhela mora oa hae eo a mo tsoetseng?*
Esita le haeba basali bana ba ka lebala, ’na nke ke ka u lebala.+
16 Ke u ngotse liatleng tsa ka.
Marako a hao a ka pel’a ka kamehla.
17 Bana ba hao ba khutla ba potlakile.
Ba ileng ba u qhaqha le ho u ripitla ba tla tloha ho uena.
18 Phahamisa mahlo ’me u shebe hohle.
Kaofela ha bona baa bokana.+
Ba tla ho uena.
Jehova o re: “Hafeela ke ntse ke phela,U tla ikapesa bona kaofela joalokaha eka ke mekhabiso,Joalokaha monyaluoa a roala sefaha.
19 Le hoja libaka tsa hao li ne li ripitliloe le naha ea hao e le lithako,+Hona joale e tla ba nyenyane haholo bakeng sa ba lulang moo.+
Ba ileng ba u ripitla*+ ba tla ba hole.+
20 Bana ba hlahileng ka mor’a hore u shoeloe ke bana ba tla re moo u ntseng u utloa:
‘Sebaka sena se senyenyane haholo bakeng sa rona.
Re fe sebaka e le hore re lule mona.’+
21 U tla re ka pelong:
‘Ntate oa bana baa ba ka ke mangKaha ke mosali ea shoetsoeng ke bana ebile ke nyopa,Ke hapuoe ebile ke motšoaruoa?
Ke mang ea holisitseng bana baa?+
Ke ne ke setse ke le mong to!+
Joale bana baa ba tsoa kae?’”+
22 Jehova ’Musi oa Lintho Tsohle o re:
“Ke tla phahamisetsa lichaba letsoho la ka’Me ke tla phahamisetsa batho letšoao* la ka.+
Ba tla tlisa bara ba hao ba ba sikile,*Ba jare barali ba hao mahetleng a bona.+
23 Marena e tla ba bahlokomeli ba hao+Le likhosatsana tsa ’ona e be baoki ba hao.
Ba tla u inamela lifahleho li shebile fatše,+Ba tla ikokobeletsa uena*+’Me joang kapa joang u tla tseba hore ke ’na Jehova.
Ba ntšepang ba ke ke ba soaba.”+
24 Na monna ea matla a ka amohuoa ba seng ba hapiloeKapa na batšoaruoa ba mohatelli ba ka pholosoa?
25 Jehova o itse:
“Esita le batšoaruoa ba monna ea matla ba tla nkoa,+Ba nkiloeng ke mohatelli ba tla pholosoa.+
Ke tla loantša ba le loantšang,+Ke pholose bana ba lona.
26 Ke tla etsa hore ba le tšoarang hampe ba je nama ea bona,Ba tahoe ke mali a bona joalokaha eka ba tahiloe ke veine e monate.
Joang kapa joang batho bohle* ba tla tseba hore ke ’na Jehova,+Mopholosi oa hao+ le Molopolli oa hao,+Ea Matla oa Jakobo.”+
Linaletsana
^ Ka Seheberu: “ke sa le ka popelong.”
^ Kapa: “Jehova o tla nkahlola ka toka.”
^ Kapa: “kamohelo.”
^ Kapa mohlomong: “maralla a hlobotseng.”
^ Kapa: “mora oa popelo ea hae?”
^ Kapa: “koenya.”
^ Ka Seheberu: “ba le lifubeng tsa bona.”
^ Kapa: “palo.”
^ Ka Seheberu: “Ba tla nyeka lerole le maotong a hao.”
^ Ka Seheberu: “nama eohle.”
