Esaia 54:1-17
54 Jehova o re: “Hoeletsa ka thabo, uena mosali ea sa kang a ba le bana.+
Thaba, u hoeletse u nyakaletse,+ uena ea sa kang a ba le mahlaba a pelehi+Hobane bara* ba mosali ea lahliloeng ba bangataHo feta ba mosali ea nang le monna.*+
2 Etsa hore sebaka sa tente ea hao se be seholo.+
Otlolla masela a tente a tabernakele ea hao e kholo.
U se ke oa ithiba. Eketsa bolelele ba lithapo tsa tente ea hao,U tiise litšepe tsa tente ea hao.+
3 U tla namela ka ho le letona le ka ho le letšehali.
Bana ba hao ba tla hapa lichaba,Ba lule metseng eo e seng e se na baahi.+
4 U se ke oa tšoha+ hobane u ke ke oa hlajoa ke lihlong.+
U se ke oa ikutloa u tlotlolotsoe hobane u ke ke oa soetseha.
U tla lebala lihlong tsa bocha ba haoHape ha u sa tla hopola sekhobo sa bohlolohali ba hao.”
5 “Moetsi oa hao e Moholo+ o joaloka monna oa hao,*+Lebitso la hae ke Jehova oa mabotho,Mohalaleli oa Iseraele ke Molopolli oa hao.+
O tla bitsoa Molimo oa lefatše lohle.+
6 Jehova o u bitsitse joalokaha eka u mosali ea lahliloeng, ea saretsoeng,+Joaloka mosali ea nyetsoeng a sa le mocha eaba oa lahloa,” ke Molimo oa hao ea chong.
7 “Ke u lahlile ka nakoanaEmpa ka lebaka la mohau ke tla u khutlisa.+
8 Kaha ke ne ke u halefetse haholo ka nakoana, ke ile ka u patela sefahleho sa ka+Empa kaha lerato la ka ha le fele, ke tla u hauhela,”+ Molopolli oa hao+ Jehova ke eena ea chong.
9 “Ho ’na ho tšoana le mehleng ea Noe.+
Feela joalokaha ke ile ka hlapanya hore metsi a mehleng ea Noe ha a sa tla hlola a koahela lefatše,+Kea hlapanya hore ha ke sa tla u halefela kapa ka u fa kotlo.+
10 Lithaba li ka tlosoaLe maralla a ka sisinyehaEmpa ’na ke tla lula ke u rata kamehla le mehla+Le selekane sa ka sa khotso se ke ke sa sisinyeha,”+ Jehova, ea u hauhelang o cho joalo.+
11 “Uena mosali ea mahlomoleng,+ ea fefoloang ke sefefo se matla, ea sa tšelisoang,+Ke u haha ka majoe le samente e thata,Ke tla rala motheo oa hao ka lisafire.+
12 Ke tla etsa litora tsa hao ka lirubiLe likeiti tsa hao ka majoe a phatsimang,*Le meeli eohle ea hao ka majoe a bohlokoa.
13 Bana bohle ba hao ba tla rutoa ke Jehova+’Me khotso ea bana ba hao e tla ba ngata.+
14 U tla tiisoa ka thata ka ho loka.+
U tla ba hole le khatello,+U ke ke oa tšaba letho kapa ha e-ba le ntho e u tšosangKaha e ke ke ea u atamela.+
15 Haeba mang kapa mang a ka u hlasela,E tla be e se ka taelo ea ka.
O tla liha mang kapa mang ea u hlaselang.”+
16 “Ke ’na ea bopileng setsebi sa mesebetsi ea matsoho,Se butsoelang mollo oa mashalaEbe se etsa sebetsa.
Ke boetse ke bopile motho ea senyang ea etsang mosebetsi oa ho senya.+
17 Ha ho na sebetsa se etselitsoeng ho u loantša se tla atleha,+U tla ahlola leleme leha e le lefe le lekang ho u ahlola.
Lena ke lefa la bahlanka ba Jehova’Me ho loka ha bona ho tsoa ho ’na,” ke Jehova ea chong.+
