Ezekiele 29:1-21
29 Jehova a bua le ’na ka letsatsi la bo12, khoeling ea leshome ka selemo sa leshome a re:
2 “Mor’a motho, profeta molaetsa oa kahlolo ho Faro morena oa Egepeta le ho Baegepeta bohle.+
3 U ba bolelle hore Jehova ’Musi oa Lintho Tsohle o re:
‘Ke tla u loantša uena Faro morena oa Egepeta,+Uena phoofolo e kholohali ea leoatle e lulang linokaneng* tsa Nile,*+Uena ea itseng, ‘Noka ea Nile ke ea ka.
Ke iketselitse eona.’+
4 Ke tla kenya lihakisi mehlahareng ea hao ke be ke etse hore litlhapi tsa noka ea hao ea Nile li itšoarelle makhakhapheng a letlalo la hao.
Ke tla u ntša ka har’a Noka ea Nile hammoho le litlhapi tsohle tsa eona tse itšoarelletseng ho uena.
5 Ke tla u lahlela lehoatateng le litlhapi tsohle tsa hao tsa Noka ea Nile,Ke u lahlele har’a naha ’me ha ho na motho ea tla u phutha kapa ea tla u bokella.+
Ke tla etsa hore u be lijo tsa libata le linonyana.+
6 Baahi bohle ba Egepeta ba tla tseba hore ke ’na JehovaHobane ba ne ba tšoana le lehlaka le sa tieang ho Baiseraele.+
7 Ha ba u tšoara ka letsoho u ne u oa,U etsa hore ba lemale mahetla.
Ha ba itšetleha ka uena, u ne u robehaU etsa hore maoto* a bona a thothomele.’”+
8 Jehova ’Musi oa Lintho Tsohle o re: “Ke tla etsa hore lira tsa hao li bolaee+ liphoofolo tsa hao le sechaba sa hao ka sabole.
9 Naha ea Egepeta e tla felisoa+ ’me le tla tseba hore ke ’na Jehova kaha u itse,* ‘Noka ea Nile ke ea ka. Ke ’na ea e entseng.’+
10 Ka lebaka leo, ke loantša uena le noka ea hao ea Nile ebile ke tla etsa hore naha ea Egepeta e be e omeletseng le e se nang letho+ ho tloha Migdole+ ho ea Siene+ le ho ea fihla moeling oa Ethiopia.
11 Ha ho na motho kapa phoofolo e tla feta moo+ ebile e ke ke ea e-ba le baahi ka lilemo tse 40.
12 Ke tla etsa hore ho se ke ha e-ba le letho naheng ea Egepeta le metse ea eona e se ke ea e-ba le baahi ka lilemo tse 40.+ Ke tla hasanya Baegepeta har’a lichaba ke be ke ba qhalakanye har’a linaha.”+
13 Jehova ’Musi oa Lintho Tsohle o re: “Ka mor’a lilemo tse 40, ke tla bokella Baegepeta ho tsoa moo ke ba hasantseng teng.+
14 Ke tla khutlisetsa batlamuoa ba Baegepeta naheng ea Pathrose+ eo ba tsoang ho eona ’me ’muso oa bona o ke ke oa e-ba matla.
15 Egepeta e tla ba ’muso o tlase ho feta mebuso e meng eohle ebile e ke ke ea hlola e hatella lichaba tse ling.+ Ke tla etsa hore e be sechaba se senyenyane se ke keng sa khona ho hlola lichaba tse ling.+
16 Baiseraele ba ke ke ba hlola ba tšepa Egepeta.+ Ho e-na le hoo, e tla ba hopotsa hore ba entse phoso ka ho kopa thuso ho eona. Ba tla tseba hore ke ’na Jehova ’Musi oa Lintho Tsohle.”
17 Jehova a bua le ’na ka letsatsi la pele la khoeli ea pele, ka selemo sa bo27 a re:
18 “Mor’a motho, Morena Nebukadnezare*+ oa Babilona o ile a loantša Tire+ ka masole a hae a matla. A ile a loana ka matla hoo a ileng a ba lefatla le mahetla a ’ona a phumoha. Empa eena le masole a hae ha baa ka ba patalloa mosebetsi o boima oo ba o entseng Tire.
19 Jehova ’Musi oa Lintho Tsohle o re, ‘Ke fa Morena Nebukadnezare* oa Babilona+ naha ea Egepeta. O tla nka maruo ’ohle a eona e be o patala masole a hae.’
20 Jehova ’Musi oa Lintho Tsohle o re: ‘Ke tla mo patala ka naha ea Egepeta hobane o ile a ntoantšetsa Tire.’+
21 Letsatsing leo, ke tla hlahisetsa Baiseraele lenaka*+ ’me ke u fe monyetla oa hore u bue le bona. Ba tla tseba hore ke ’na Jehova.”
Linaletsana
^ Kapa: “melatsoaneng.”
^ Temaneng ena le tse latelang, ha ho buuoa ka “Nile” ho buuoa ka noka le linokana tsa eona.
^ Ka Seheberu: “mangole.”
^ Ka Seheberu: “o ile a re.”
^ Ka Seheberu: “Nebukadrezare,” tsela e ’ngoe eo lebitso lena le ngoloang ka eona.
^ Ka Seheberu: “Nebukadrezare,” tsela e ’ngoe eo lebitso lena le ngoloang ka eona.
^ Kapa: “ke tla fa Baiseraele matla.”
