Hosea 12:1-14
12 “Efraime o tšepile ntho e se nang thuso.*
O qeta letsatsi lohle a lelekisa moea oa bochabela.
O rata leshano le ntoa haholo.
O etsa selekane le Asiria+ ’me o romela oli Egepeta.+
2 Jehova o na le nyeoe le Juda.+
O tla fa Jakobo kotlo ka lebaka la liketso tsa hae,A mo putse ho ea ka mesebetsi ea hae.+
3 Ha a le ka popelong o ile a tšoara ngoan’abo ka serethe,+A loantša Molimo ka matla ’ohle a hae.+
4 A ’na a loana le lengeloi ’me a hlola.
A lla, a kopa hore le mo hauhele.”+
Molimo a mo fumana Bethele eaba o bua le rona moo.+
5 Jehova Molimo oa mabotho,+Jehova ke lebitso leo a hopoloang ka lona.+
6 “Khutlela ho Molimo oa hao,+Lula u e-na le lerato* le toka.+
U tšepe Molimo oa hao ka linako tsohle.
7 Rakhoebo o sebelisa likala tse sa tšepahaleng.
O rata ho qhekella.+
8 Efraime o ntse a re, ‘Ke ruile.+
Ke fumane maruo.+
Mosebetsing oohle oa ka o boima, ba ke ke ba fumana letho le phoso kapa sebe.’
9 ’Na Jehova haesale ke le Molimo oa hao ho tloha ha u le naheng ea Egepeta.+
Ke tla etsa hore u lule litenteng hapeJoaloka linakong tseo ho nang le mokete.
10 Ke ile ka bua le baprofeta,+Ka eketsa lipono tsa bonaKa ba ka etsa lipapiso ke sebelisa baprofeta.
11 Ho na le bolotsana* le mashano Gileade.+
Ba entse mahlabelo a lipoho Gilgale.+
Lialetare tsa bona li tšoana le liqubu tsa majoe liforong tsa masimo.+
12 Jakobo o ile a balehela naheng* ea Arame.*+
Iseraele+ a sebetsa mooA hlokomela linku+ hore a fumane mosali.+
13 Jehova o ntšitse Iseraele Egepeta a sebelisa moprofeta+A ba a mo hlokomela a sebelisa moprofeta.+
14 Efraime o nkhalefisitse haholo.+
O tla lula a le molato ka lebaka la ho bolaea.
Morena oa hae o tla mo fa kotlo ka lebaka la ho mo nyefola.”+
Linaletsana
^ Ka Seheberu: “Efraime o ja moea.”
^ Kapa: “lerato le tšepahalang.” Sheba Tlhaloso.
^ Kapa: “lintho tse sa tloaelehang; boselamose.”
^ Kapa: “Siria.”
^ Ka Seheberu: “tšimong.”
