Hosea 13:1-16
13 “Ha Efraime a bua, batho ba ne ba thothomela.
O ne a tumme Iseraele+Empa o ile a ba molato ka lebaka la ho rapela Baale+ eaba oa shoa.
2 Ba etsa sebe le ho fetaKa ho etsa litšoantšo* ka silevera ea bona.+
Ba etsa melimo ea litšoantšo ka bohlale. Kaofela e entsoe ke litsebi tsa mesebetsi ea matsoho.
Ba re, ‘Batho ba etsang mahlabelo ba ke ba sune manamane.’+
3 Ba tla ba joaloka maru a hoseng,Joaloka phoka e nyamelang kapele,Joaloka ’moko o fefoloang ke sefefo seotlong*Le joaloka mosi o tsoang lesobeng la marulelo.
4 ’Na Jehova, haesale ke le Molimo oa hao ho tloha ha u le naheng ea Egepeta.+
U ne u sa tsebe Molimo e mong ntle ho ’naEbile ha ho na mopholosi e mong ntle ho ’na.+
5 Ke u tsebile ha u le lefeelleng,+ naheng e omeletseng.
6 Ba ne ba khotše ka lebaka la lijalo tsa masimo a bona.+
Ha ba se ba khotše, ba ile ba ikhohomosaEaba baa ntebala.+
7 Ke tla ba hlasela joaloka taoana+Le joaloka lengau le ipatileng pel’a tsela.
8 Ke tla ba hlasela joaloka bere e lahlehetsoeng ke malinyane a eonaEbile ke tla harola lifuba tsa bona.
Ke tla ba ja joaloka tau.
Sebata se hlaha sa naheng se tla ba khaola likoto.
9 Se tla u felisa, uena IseraeleHobane u fetohetse ’na mothusi oa hao.
10 O hokae joale morena oa hao hore a u pholose metseng eohle ea hao?+
Ba kae babusi* ba hao bao u ileng oa re ka bona,‘Mphe morena le likhosana’?+
11 Ke le file morena ke halefile+Ebile ke tla mo tlosa ke halefile.+
12 Phoso ea Efraime e ke ke ea lebaloa.*
Sebe sa hae se bolokiloe.
13 O tla tleloa ke bohloko ba pelehi.
Ke ngoana ea seng bohlale.
Ha a hlahe ha nako ea hore a tsoaloe e fihla.
14 Ke tla lopolla batho ba ka Lebitleng,*Ke ba lokolle lefung.+
Lefu, metsu ea hao e hlabang e hokae?+
Lebitla, matla a hao a ho felisa a hokae?+
Nke ke ka le qenehela.
15 Leha Efraime a ka mela har’a lehlaka,Jehova o tla tlisa moea oa bochabela.
O tla be o tsoa lehoatateng ho tla chesa seliba sa hae le mohloli oa hae oa metsi.
Matlotlo ’ohle a hae a tla utsuoa.+
16 Basamaria ba tla nkoa ba le molato+ hobane ba fetohetse Molimo oa bona.+
Ba tla bolaoa ka sabole,+Bana ba bona ba rojoe likoto,Baimana ba bona ba taboloe limpa.”
Linaletsana
^ Kapa: “liemahale tse entsoeng ka ho qhibilihisoa.”
^ Moo ho poleloang le ho olosetsoa teng.
^ Ka Seheberu: “baahloli.”
^ Kapa: “e bolokiloe.”
^ Kapa: “Sheole.” Sheba Tlhaloso.
