Hosea 5:1-15
-
Efraime le Juda lia ahloloa (1-15)
5 “Utloang lona baprista,+Mamelang lona sechaba sa Iseraele,Le mamele lona ba ntlo ea morenaHobane kahlolo ena e ama lona.
Le leraba ho MizpaEbile le letlooa le aliloeng holim’a Tabore.+
2 Marabele* a kene tloara! liketsong tsa ho bolaea’Me ke a lemosa* kaofela.
3 Ke tseba Efraime,Baiseraele ba ke ke ba ipatela ’na.
Uena Efraime, u entse botekatse.*
Baiseraele ba itšilafalitse.+
4 Liketso tsa bona ha li ba lumelle ho khutlela ho Molimo oa bonaHobane ba rata botekatse*+Ebile ha ba tsotelle Jehova.
5 Boikhohomoso ba Iseraele bo fane ka bopaki ba hore o khopo.+
Baiseraele le Baefraime ba khopiloe ka lebaka la phoso ea bonaBajuda le bona ba khopiloe.+
6 Ba ile ba nka linku le likhomo tsa bona ho ea etsetsa Jehova sehlabelo ka tsona hore a ba hauheleEmpa ha aa ka a ba hauhela.
O ne a suthetse hole le bona.+
7 Ba fetohetse Jehova+Hobane ba tsoaletsoe bana ke basali ba balichaba.*
Ba tla felisoa ka khoeli e le ’ngoe hammoho le masimo* a bona.
8 Letsang lenaka+ Gibea le terompeta Rama.+
Etsang molumo oa ntoa Bethe-avene,+ uena Benjamine etella pele.
9 Efraime, u tla ba ntho e tšosang mohlang u fumanang kotlo.+
Ke boleletse maloko a Iseraele se tla etsahala.
10 Likhosana tsa Juda li bolotsana joaloka batho ba chechisang moeli.+
Ke tla ba halefela haholo joalokaha eka ke qhalla metsi holim’a bona.
11 Efraime o hateletsoe, o silakantsoe ka tokaHobane o ne a ikemiselitse ho sala lira tsa hae morao.+
12 Ke ne ke le joaloka tšoele* ho Efraime,Ke tšoana le ntho e bolileng ho batho ba Juda.
13 Ha Efraime a bona boloetse ba hae le Juda a bona seso sa hae,Efraime a ea Asiria+ ’me a romela baromuoa ho morena e moholo.
Empa morena eo ha aa ka a khona ho le folisaKapa ho phekola seso sa lona.
14 Ke tla ba joaloka taoana ho Efraime,Ke be joaloka tau e matla ho batho ba Juda.
Ke tla ba khaola likoto ebe kea tsamaea.+
Ke tla ba nka ’me ha ho na ea tla ba pholosa.+
15 Ke tla tsamaea ke khutlele sebakeng sa ka ho fihlela ba fumana litla-morao tsa molato oa bona.
Ka nako eo, ba tla batla hore ke ba hauhele.*+
Ha ba le mathateng, ba tla batla thuso ea ka.”+
Linaletsana
^ Kapa: “Ba khelohang.”
^ Kapa: “khalemela.”
^ Kapa: “boitšoaro bo bobe ba thobalano; u ithekisitse.”
^ Kapa: “boitšoaro bo bobe ba thobalano.”
^ Kapa: “likabelo.”
^ Ka Seheberu: “bara ba balichaba.”
^ Kapa: “ ’moto.”
^ Ka Seheberu: “batla sefahleho sa ka.”
