Hosea 8:1-14
8 “Letsa lenaka.+
Ho na le sera se tlang joaloka ntsu ho tla hlasela batho* ba Jehova+Hobane ba fetohetse selekane sa ka+ ebile ba tlotse molao oa ka.+
2 Ba hoeletsa ho ’na ba re, ‘Molimo oa rona, rona Baiseraele rea u tseba.’+
3 Baiseraele ba lahlile se molemo.+
Sera se ke se ba lelekise.
4 Ba ipehetse marena ba sa mpotsa.
Ba ikhethela likhosana ke sa ba lumella.
Ba iketselitse melimo ea litšoantšo ka silevera le khauta ea bona+Kahoo, ba tla felisoa.+
5 Samaria, ke lahlile setšoantšo sa namane seo u neng u se rapela.+
Ke u halefetse haholo.+
U tla hloleha ho itlhoekisa ho fihlela neng?
6 Namane ena e tsoa Iseraele.
E entsoe ke setsebi sa mosebetsi oa matsoho ’me ha se Molimo.
Namane ea Samaria e tla silakanngoa.
7 Ba etsa lintho tse mpe e leng se tšoanang le ho jala moea.
Ba tla kotula moea oa sefefo.+
Ha ho na lehlaka le hlahisang koro e butsoitseng.+
Ntho leha e le efe e melang ha e hlahise phofo.
Haeba e e hlahisa, balichaba ba tla e felisa.+
8 Baiseraele ba tla felisoa.+
Ba tla ba har’a lichaba+Joaloka sejana se sa batloeng.
9 Ba ile Asiria+ joaloka tonki e hlaha e itsamaelang e le ’ngoe.
Efraime o hirile matekatse.+
10 Le hoja ba a hira har’a lichaba,Ke tla ba phutha.
Ba tla sotleha+ ka lebaka la moroalo oo ba o filoeng ke morena le likhosana.
11 Baefraime ba ekelitse lialetare e le hore ba etse sebe.+
Li fetohile lialetare tseo ba li sebelisetsang ho etsa sebe.+
12 Ke ile ka ba ngolla melao* e mengataEmpa ba ile ba e nka e le ntho e sa tloaelehang.+
13 Ba nketsetsa limpho tsa mahlabelo ebile ba ja namaEmpa ’na Jehova ha ke a thabele.+
Ke tla hopola phoso ea bona ’me ke ba fe kotlo ka lebaka la libe tsa bona.+
Ba khutletse* Egepeta.+
14 Iseraele o lebetse Moetsi oa hae+ ’me o hahile litempele.+
Juda o ekelitse metse e sirelelitsoeng ka thata.+
Empa ke tla tlisa mollo metseng ea hae’Me o tla chesa litora tsa metse eo.”+
