Hosea 9:1-17
9 “Le se ke la thaba lona Baiseraele.+
Le se ke la thaba joaloka batho ba lichaba tse ling.
Le tlohetse Molimo ka lebaka la ho etsa botekatse.*+
Le rata moputso oa botekatse oo le o fuoang seotlong* se seng le se seng sa koro.+
2 Empa seotlo le sehatelo sa veine li ke ke tsa ba fepa.
Veine e ncha e tla ba soetsa.+
3 Ba ke ke ba tsoela pele ba lula naheng ea Jehova.+
Ho e-na le hoo, Baefraime ba tla khutlela EgepetaEbile ba tla ja lintho tse sa hloekang Asiria.+
4 Ba ke ke ba hlola ba etsetsa Jehova mahlabelo a veine.+
Mahlabelo a bona a ke ke a mo khahlisa.+
A tšoana le bohobe boo batho ba bo jang ha ba utloile bohloko.
Bohle ba bo jang ba tla itšilafatsaHobane bohobe ba bona ke ba bona ba le bang.
Bo ke ke ba tla ka tlung ea Jehova.
5 Le tla etsa’ng ha nako ea hore le kopane e fihla,Ka letsatsi la mokete oa Jehova?
6 Ba tla baleha hobane sera se tla tla se tl’o ba felisa.+
Egepeta e tla ba bokella,+ Memfise e ba pate.+
Semela se meutloa se tla hola se koahele lintho tsa bona tsa bohlokoa tsa silevera.
Lihlahla tse meutloa li tla mela ka litenteng tsa bona.
7 Matsatsi a hore ba fuoe kotlo a tla tla+Le matsatsi a hore Molimo a iphetetse a tla tla.
Iseraele e tla tseba seo.
Moprofeta oa bona e tla ba sethoto ’me motho ea ipolelang hore o bua litaba tse tsoang ho Molimo, o tla fetoha lehlanya.
Kaha phoso ea hao e kholo, le batho ba u hloileng ba bangata.”
8 Molebeli+ oa Efraime o ne a e-na le Molimo oa ka.+
Empa litsela tsohle tsa baprofeta+ ba hae li tšoana le maraba a motho ea tšoasang linonyana.
Ho tletse lehloeo ka tlung ea Molimo oa hae.
9 Ba etsa lintho tse tl’o etsa hore ba felisoe joaloka mehleng ea Gibea.+
O tla hopola phoso ea bona, a ba otlele libe tsa bona.+
10 “Ha ke ne ke fumana Baiseraele,+ ba ne ba tšoana le morara lefeelleng.
Ke ile ka bona baholo-holo ba bona ba tšoana le lifeie* tse butsoang pele sefateng sa lifeie.
Empa joale ba ile ba ea ho Baale oa Peore.+
Ba inehetse nthong e hlabisang lihlong.*+
Ba ile ba nyonyeha joaloka ntho eo ba e ratang.
11 Khanya ea Efraime e fofa joaloka nonyana.
Ha ho na mosali ea emolang, ea imang kapa ea bang le ngoana.+
12 Leha ba ka holisa bana,Ke tla ba amoha bona ho fihlela ho se na le ea mong ea setseng.+
Ba tla ba mahlomoleng ha ke ba furalla.+
13 Efraime o ne a jetsoe lekhulong, ho ’na a tšoana le Tire.+
Empa joale o tlameha ho tlisa bana ba hae hore ba tl’o bolaoa.”
14 Jehova, u ba fe se ba tšoanelang.
U ba fe popelo e senyeheloang le matsoele a se nang lebese.*
15 “Ba entse lintho tsohle tse khopo Gilgale+ e leng hona moo ke qalileng ho ba hloea.
Ke tla ba leleka ntlong ea ka ka lebaka la liketso tsa bona tse mpe.+
Nke ke ka hlola ke ba rata.+
Likhosana tsohle tsa bona li manganga.
16 Baefraime ba tla bolaoa.+
Motso oa bona o tla omella ebile ba ke ke ba beha litholoana.
Leha ba ka beleha, ke tla bolaea bana ba bona bao ba ba ratang.”
17 Molimo oa ka o tla ba lahlaHobane ha baa mo mamela.+
E tla ba babalehi lichabeng tse ling.+
Linaletsana
^ Moo ho poleloang le ho olosetsoa teng.
^ Kapa: “boitšoaro bo bobe ba thobalano.”
^ Kapa: “lifeiga.”
^ Kapa: “ho molimo ea hlabisang lihlong.”
^ Kapa: “a omeletseng.”
