Jeremia 4:1-31
4 Jehova o re: “Ha u ka khutla, uena Iseraele,Ha u ka khutlela ho ’na,Oa tlosa melimo ea hao ea bohata* e nyonyehang ka pel’a ka,Joale u ke ke oa ba mophaphathehi.+
2 Hape ha u ka hlapanya ka ’nete, toka le ka ho loka, oa re:
‘Ka Jehova ea phelang!’
Joale lichaba li tla fumana tlhohonolofatso ka eena*’Me li tla ithorisa ka eena.”+
3 Jehova o re ho banna ba Juda le ho Jerusalema:
“Itemeleng masimo,Le se ke la ’na la jala har’a meutloa.+
4 Lona banna ba Juda le baahi ba Jerusalema,Bollang bakeng sa Jehova,Bolotsang lipelo tsa lona+E le hore khalefo ea ka e se ke ea tuka joaloka mollo’Me ea tuka ea hloka motho ea e timangKa lebaka la mesebetsi ea lona e khopo.”+
5 Bolelang taba ena Juda, le e phatlalatse le Jerusalema.
Hoeletsang le letse lenaka ho pholletsa le naha.+
Hoeletsang le re: “Bokanang!
Re baleheleng metseng e sirelelitsoeng ka thata.+
6 Phahamisang letšoao* le bontšang tsela e eang Sione.
Le se ke la ema, batlang tšireletso”Hobane ke tlisa koluoa e tsoang leboea,+ tlokotsi e kholo.
7 Sera se hlahile joaloka tau ha e hlaha har’a mofero oa eona,+Ea senyang lichaba o tsoile.+
O tsoile sebakeng sa hae e le hore a etse naha ea hao ntho e tšosang.
Metse ea hao e tla etsoa lithako, e hloke moahi.+
8 Kahoo, aparang masela a hoashang.*+
Bokollang, le lle*Hobane Jehova o ntse a re halefetse haholo.
9 Jehova o re: “Letsatsing leo, morena o tla tšerema*+Hammoho le likhosana.
Baprista ba tla tšoha le baprofeta ba makale.”+
10 Eaba ke re: “Jehova ’Musi oa Lintho Tsohle, kannete u thetsitse Juda+ le Jerusalema ha u re: ‘Le tla ba le khotso’+ empa re le makhatheng a ho bolaoa ka sabole.”
11 Ka nako eo ho tla thoe ho sechaba sena le ho Jerusalema:
“Moea o chesang o hlahang maralleng a hlobotseng a lehoatataO tla puputla morali oa* sechaba sa ka.
Ha se moea o tla olosa kapa o hloekise.
12 Moea o fokang ka matla o tsoa libakeng tsena ka taelo ea ka.
Joale ke tla phatlalatsa likahlolo ho batho ba ka.
13 Sera se tla tla joaloka maru a pula,Likariki tsa sona tsa ntoa li joaloka sefefo.+
Lipere tsa sona li lebelo ho feta lintsu.+
Re malimabe hobane re ba shoeleng.
14 Hlatsoa bokhopo pelong ea hao hore e hloeke, uena Jerusalema e le hore u pholosoe.+
U tla lula u nahana bokhopo ho fihlela neng?
15 Lentsoe le bua litaba le le Dane,+Le phatlalatsa koluoa le le lithabeng tsa Efraime.
16 Tlalehelang lichaba molaetsa ona.
O phatlalatseng khahlanong le Jerusalema.”
“Balebeli* ba tla ba tsoa naheng e hole’Me ba tla hoeletsa khahlanong le metse ea Juda.
17 Ba tla hlasela Jerusalema ka mahlakoreng ’ohle joaloka batho ba katileng masimo+Hobane e mphetohetse,”+ ke Jehova ea chong.
18 “U tla fumana kotlo bakeng sa litsela tsa hao le mesebetsi ea hao.+
Koluoa ea hao e bohloko haholoHobane e fihla pelong ea hao.”
19 Bohloko boo ke bo utloang,* bohloko boo ke bo utloang!
Ke utloa bohloko bo boholo pelong ea ka.*
Pelo ea ka e otla habohloko.
Nke ke ka tholaHobane ke utloile molumo oa lenaka,Mokhosi oa ntoa.*+
20 Ho tlalehiloe koluoa ka mor’a koluoaHobane naha eohle e felisitsoe.
Litente tsa ka li sentsoe ka tšohanyetso,Masela a ka a tente a sentsoe ka nako le motsotso.+
21 Ke tla ’ne ke bone letšoao* halelele hakae,Ke tla ’ne ke utloe molumo oa lenaka ho fihlela neng?+
22 “Etsoe batho ba ka ke maoatla.+
Ha ba na taba le ’na.
Ke bana ba se nang kelello ’me ha ba na kutloisiso.
Ba hlalefetse ho etsa lintho tse fosahetsengEmpa ha ba tsebe ho etsa tse lokileng.”
23 Ha ke sheba naha, ka bona e se na letho ebile e senyehile.+
Ka sheba maholimo ’me ka bona khanya ea ’ona e le sieo.+
24 Ha ke sheba lithaba, ka bona li ntse li reketlaLe maralla a sisinyeha.+
25 Ka bona ho se na mothoLe linonyana tsa maholimo li balehile kaofela.+
26 Ha ke sheba serapa sa lifate tsa litholoana, ka bona hore se fetohile lehoatataLe metse eohle ea sona e ne e qhaqhiloe kaofela.+
E ne e le ka lebaka la Jehova,Ka lebaka la bohale ba hae bo tukang.
27 Etsoe Jehova o re: “Naha eohle e tla senyeha+Empa nke ke ka e felisa tu!
28 Ka lebaka lena naha e tla utloa bohloko,+Maholimo a tla fifala.+
Ke buile ebile ke entse qeto,Nke ke ka e fetohela* kapa hona ho e koenehela.+
29 Batho bohle ba motse baa baleha+Ha ba utloa molumo oa banna ba palameng lipere le ba loanang ka liqha.
Ba ipata merung e teteaneng,Ba hloella mafikeng.+
Baahi bohle ba balehile metseng,Ha ho sa na batho ba lulang ho eona.”
30 Kaha joale u tlatlapuoe, u tla etsa’ng?
U ne u tloaetse ho apara liaparo tse khubelu,U ikhabisa ka mekhabiso ea khauta,U tlotsa mahlo a hao ka setlolo se setšo hore a bonahale a le maholo.
Empa u ikentse botle mahala+Kaha ba u batlang ba u lahlile.
Hona joale ba batla ho u bolaea.+
31 Etsoe ke utloile sello se kang sa mosali ea opeloang,*Seboko se kang sa mosali ea belehang ngoana oa hae oa pele,Lentsoe la morali oa Sione ea ntseng a hema ka thata.
O otlolla liatla a ntse a re:+
“Ke malimabe hobane ke khathetse ka lebaka la babolai!”
Linaletsana
^ Kapa: “litšoantšo tsa hao.”
^ E leng Jehova.
^ Kapa: “palo.”
^ Kapa: “le ikotle lifubeng.”
^ Kapa: “o tla felloa ke sebete.”
^ Mokhabo-puo oa mothofatso, oo mohlomong o bontšang khauho kapa kutloelo-bohloko.
^ Balebeli ba shebileng motse e le ho bona hore na ba ka o hlasela neng.
^ Ka Seheberu: “Mala a ka.”
^ Ka Seheberu: “marakong a pelo ea ka.”
^ Kapa mohlomong: “Mohoo oa batho ba hlaselang.”
^ Kapa: “palo.”
^ Kapa: “ka ikoahlaea.”
^ Kapa mohlomong: “ea kulang.”
