Jeremia 47:1-7
-
Boprofeta bo mabapi le Bafilista (1-7)
47 Jehova o ile a bua le moprofeta Jeremia ka Bafilista+ pele Faro a hlasela Gaza.
2 Jehova a re:
“Bonang! Metsi a tla a tsoa leboea.
A tla tla ka sekhahla se kang sa sekhohola.
A tla koahela naha le ntho e ’ngoe le e ’ngoe e ho eona,Motse le baahi ba oona.
Banna ba tla bokolla,Bohle ba lulang naheng ba tla hlaba seboko.
3 Ha ho utloahala molumo oa litlhako tsa lipere tse matla tsa ba lirengLe oa likariki tsa bona tsa ntoa’Me ho utloahala molumo oa mabili a tsona,Bo-ntate ba ke ke ba khutlela ho tla pholosa bara ba bonaKaha ba tla be ba thothomela ke letsoalo.*
4 Ho tla fihla letsatsi la hore Bafilista bohle ba felisoe.+
Bohle ba neng ba thusa Tire+ le Sidone+ ba tla felisoa.
Jehova o tla felisa BafilistaBa setseng sehlekehlekeng sa Kaftore.*+
5 Gaza e tla phumoha lefatla.*
Ashkelone e ripitliloe.+
Lona ba setseng ba phula ea bona,Le tla intša kotsi* ho fihlela neng?+
6 Uena sabole ea Jehova,+U tla khutsa neng?
Khutlela selateng sa hao.
Iphomolele ’me u khutse.
7 E ka khutsa joangJehova a e file taelo?
O e laetse hore e loantšeAshkelone le lebopo la leoatle.”+
Linaletsana
^ Kapa: “matsoho a bona a tla tepella.”
^ E leng Kreta.
^ E leng hore batho ba Gaza ba tla beola lihlooho hobane ba siame ba bile ba soabile.
^ Kapa: “itšeha.”
