Jobo 12:1-25
12 Jobo a re:
2 “Kannete ke lona batho ba nang le tsebo,*Bohlale ba lona bo tla shoa le lona.
3 Empa le ’na ke na le kutloisiso.*
Ha le mphete ka letho.
Ke mang ea sa tsebeng lintho tsee?
4 Ke fetohile litšeho ho metsoalle ea ka,+Hobane ke kopa thuso ho Molimo ’me ke lebella hore a nkarabe.+
Monna ea lokileng le ea se nang molato o fetohile litšeho.
5 Motho ea se nang mathata o soma ba nang le ’ona,O nahana hore a tlela feela batho bao maoto a bona a sa tsitsang.*
6 Masholu a phela ka khotso malapeng a ’ona,+’Me ba halefisang Molimo ba sireletsehile,+Ba tšoereng melimo ea bona ka matsoho.
7 Ka kopo botsa liphoofolo ’me li tla u ruta,Le linonyana ’me li tla u bolella.
8 Kapa u shebe* lintho tse lefatšeng ’me li tla u ruta,Le litlhapi tsa leoatle li tla u bolella.
9 Ke efe har’a lintho tsee tsohle e sa tsebengHore Jehova ke eena ea e bopileng?
10 Bophelo ba lintho tsohle tse phelangLe ba batho bohle bo letsohong la hae.+
11 Na tsebe ha e hlahlobe mantsoeJoalokaha leleme* le latsoa lijo?+
12 Na bohlale ha bo fumanoe bathong ba holileng,+’Me na batho bao e leng khale ba phela ha se bona ba nang le kutloisiso?
13 Kahoo Molimo o bohlale ebile o matla,+O na le keletso le kutloisiso.+
14 Ha a senya ntho, e ke ke ea khona ho lokisoa,+Ha a koetse, ha ho na motho ea ka bulang.
15 Ha a thibela metsi, ntho e ’ngoe le e ’ngoe ea omella,+Ha a a bulela, a koahela lefatše.+
16 O matla ebile o bohlale,+Motho ea khelohang le ea khelosang ba bang ka bobeli ba ikarabella ho eena.
17 O etsa hore baeletsi ba tsamaee ba sa roala letho maotong,*’Me o etsa baahloli lithoto.+
18 O fasolla liketane tseo marena a tlammeng batho ka tsona+’Me o tlama mabanta mathekeng a ’ona.
19 O etsa hore baprista ba tsamaee ba sa roala letho maotong,+’Me o liha ba matla.+
20 O etsa hore baeletsi ba tšepiloeng ba hloke litaba,Le hore banna ba holileng* ba se ke ba e-ba le kutloisiso.
21 O etsa hore bahlomphehi ba nyatsuoe,+Le hore ba matla ba fokole.*
22 O etsa hore lintho tse tebileng tse lefifing li hlahelle,+Hape o tlisa lintho tse lefifing le letšo khanyeng.
23 O etsa hore lichaba li be matla haholo e le hore a li felise,O etsa hore li be ngata e le hore a li ise botlamuoeng.
24 O tlosa kutloisiso* ea baeta-pele ba sechabaLe hore ba lelere lefeelleng moo ho se nang litsela.+
25 Ba phopholetsa lefifing+ moo ho se nang khanya,O etsa hore ba lelere joaloka batho ba tahiloeng.+
Linaletsana
^ Ka Seheberu: “ke lona batho.”
^ Ka Seheberu: “pelo.”
^ Kapa: “a thellang.”
^ Kapa mohlomong: “bue le.”
^ Ka Seheberu: “mahalapa.”
^ Kapa: “ba sa apara letho.”
^ Kapa: “baholo.”
^ Ka Seheberu: “fasolla lebanta la ba matla.”
^ Ka Seheberu: “pelo.”
