Lipesaleme 102:1-28
Thapelo ea motho ea mahlomoleng ha a nyahame* ’me a bolella Jehova lintho tse mo tšoenyang.+
102 Jehova, utloa thapelo ea ka hle.+
E se eka u ka utloa sello sa ka.+
2 U se ke oa ntahla ha ke e-na le mathata.+
’Mamele.*
U nkarabe kapele ha ke llela ho uena.+
3 Bophelo ba ka bo fela kapele joalokaha mosi o nyamela,Masapo a ka a a cha joalokaha eka a ka ontong.+
4 Pelo ea ka e joaloka joang bo chesitsoeng ke letsatsi ’me e omeletse+Ebile ha ke sa na takatso ea lijo.
5 Ke fokotse haholo*+Hobane ke utloile bohloko.*+
6 Ke mong joaloka letata la naheng.
Ke joaloka sephooko* se senyenyane har’a mehaho e senyehileng.
7 Ha ke khone ho robala.*
Ke joaloka nonyana e lutseng e le ’ngoe marulelong.+
8 Lira tsa ka li ’nyefola letsatsi lohle.+
Ba ntšehang* ba sebelisa lebitso la ka ho rohaka ba bang.
9 Molora e se e bile e le lijo tsa ka,+Le lintho tseo ke li noang li kopane le likhapha,+
10 Kaha u mphahamisitse e le hore u ntahle.
Hobane u halefile haholo.
11 Bophelo ba ka bo fela kapele joaloka moriti o nyamelang,*+Ke omeletse joaloka joang.+
12 Empa Jehova, u lula u le teng ka ho sa feleng.+
U tla lula u tsebahala* melokong eohle.+
13 U tla tla ’me u hauhele Sione+Ha e le nako ea hore u e qenehele.+
Nako eo u e behileng e fihlile.+
14 Bahlanka ba hao ba rata majoe a eona+Ebile ba rata le lerole la eona.+
15 Lichaba li tla tšaba lebitso la hao Jehova,Marena ’ohle a lefatše a tšabe khanya ea hao.+
16 Jehova o tla tsosolosa Sione+A bontše hore o matla.+
17 O tla mamela lithapelo tsa batho ba hlophehileng.+
A ke ke a khella lithapelo tsa bona fatše.+
18 Lintho tsena li ngolletsoe moloko o tlang+E le hore batho ba tla tsoaloa* ba rorise Jah.
19 Jehova o shebile tlase a le sebakeng sa hae se phahameng se halalelang.+
O shebile lefatše a le leholimong
20 Hore a utloe sello sa motšoaruoa+Le hore a lokolle ba ahloletsoeng lefu+
21 E le hore lebitso la Jehova le ka phatlalatsoa Sione+A be a rorisoe Jerusalema.
22 Jehova o tla rorisoa ha mebuso le lichabaLi bokana ho mo sebeletsa.+
23 O entse hore matla a ka a fele ke sa le mocha.
O khutsufalitse bophelo ba ka.
24 Ke ile ka re: “Molimo oa ka,U se ke oa mphelisa ke e-s’o tsofale.
U Molimo ea tla lula a le teng ka ho sa feleng.+
25 U ile oa etsa metheo ea lefatše khale,Oa etsa le maholimo ka matsoho a hao.+
26 Li tla fela empa uena u tla lula u le teng.
Kaofela li tla tsofala joaloka seaparo.
U tla li lahla joaloka liaparo tsa khale ’me u tlise tse ling.
27 Empa uena ha u fetohe ebile u tla lula u le teng.+
28 Bana ba bahlanka ba hao ba tla lula ba sireletsehileLe litloholo* tsa bona li tla lula li bolokehile.”+
Linaletsana
^ Kapa: “ha a felloa ke matla.”
^ Kapa: “Inamela tlase u ntšekehele tsebe.”
^ Kapa: “Masapo a ka a khomaretse nameng ea ka.”
^ Kapa: “kea feheloa.”
^ Kapa: “morubisi.”
^ Kapa mohlomong: “Ke fokotse.”
^ Kapa: “ba nketsang sethoto.”
^ Kapa: “o otlolohang.”
^ Kapa: “lebitso la hao.” Ka Seheberu: “sehopotso sa hao.”
^ Ka Seheberu: “boptjoa.”
^ Ka Seheberu: “peo.”
