Lipesaleme 103:1-22
Pesaleme ea Davida.
103 Ke tla rorisa Jehova,Ke rorise lebitso la hae le halalelang ka pelo ea ka eohle.
2 Ke tla rorisa Jehova.
E se eka le ka mohla nke ke ka lebala lintho tsohle tseo a li entseng.+
3 O tšoarela motho liphoso tsohle+Ebile o folisa bohloko bohle boo motho a bo utloang.+
4 O pholosa bophelo ba hae lebitleng.*+
O pota-potiloe ke lerako le mohau oa hae.+
5 O mo fa lintho tse mo khotsofatsang+ bophelo bohle ba haeHore a lule a le mocha a bile a e-na le matla joaloka ntsu.+
6 Jehova o tšoara bohle ba hateletsoeng+ ka toka+Le ka tsela e lokileng.
7 O ile a tsebisa Moshe mesebetsi ea hae,+A tsebisa Baiseraele liketso tsa hae.+
8 Jehova o mohau ’me o na le kutloelo-bohloko,*+O lieha ho halefa ebile o lerato.*+
9 A ke ke a lula a re tšoaea liphoso+Ebile a ke ke a lula a re halefetse.+
10 Ha a re fe kotlo e re tšoanelang ho latela libe tsa rona+Ebile ha a re fe moputso o re tšoanelang ho latela liphoso tsa rona.+
11 Feela joalokaha maholimo a phahametse lefatše haholo,Ba mo tšabang o ba rata* haholo.+
12 Feela joalokaha bochabela bo le hole le bophirimela,Ka ho tšoanang o suthiselitse liphoso tsa rona hole le rona.+
13 Jehova o hauhetse ba mo tšabangFeela joalokaha ntate a hauhela bana ba hae.+
14 O tseba hantle tsela eo re bopiloeng ka eona,+Oa hopola hore re lerole.+
15 Motho o shoa kapele joaloka joang.+
O thunya joaloka palesa ea naheng.+
16 Empa ha moea o foka, ea nyamelaJoalokaha eka ha e e-s’o ka e e-ba teng.*
17 Empa Jehova o rata ba mo tšabang+Ka lerato le sa felengLe litloholo tsa bona o tla li tšoara ka tsela e lokileng,+
18 O etsa joalo ho ba bolokang selekane sa hae+Le ho ba ikemiselitseng ho latela litaelo tsa hae.
19 Jehova o tiisitse terone ea hae maholimong.+
Ebile o busa ntho e ’ngoe le e ’ngoe.+
20 Rorisang Jehova, lona mangeloi ’ohle a hae+ a matla,A phethang litaelo tsa hae+ le ho mo mamela.*
21 Rorisang Jehova, lona mabotho ’ohle a hae,+Lona basebeletsi ba hae, ba etsang thato ea hae.+
22 Rorisang Jehova hohle moo a busang teng,Lona mesebetsi eohle ea hae.
E se eka nka rorisa Jehova ka pelo eohle ea ka.
Linaletsana
^ Kapa: “sekoting.”
^ Kapa: “mosa.”
^ Kapa: “lerato le tšepahalang.” Sheba Tlhaloso.
^ Kapa: “o ba bontša lerato le tšepahalang.” Sheba Tlhaloso.
^ Ka Seheberu: “Sebaka sa eona ha se sa tla hlola se e tseba.”
^ Ka Seheberu: “A utloang (molumo) oa lentsoe la hae.”
