Lipesaleme 108:1-13
Pina. Pesaleme ea Davida.
108 Molimo, pelo ea ka ea tšepahala,Ke tla bina ke be ke letse ’mino ka pelo ea ka eohle.+
2 Tsoha, uena seletsa se likhoele, le uena harepa.+
Ke tla tsoha ka meso.
3 Jehova, ke tla u rorisa har’a batho.
Ke tla u binela* lipina tsa thoriso har’a lichaba.
4 Lerato* la hao le leholo, le fihla holimo maholimong+Le botšepehi ba hao bo fihla maholimong.
5 Molimo, bontša boholo ba hao maholimong.
E se eka khanya ea hao e ka ba lefatšeng lohle.+
6 Re pholose ka letsoho la hao le letona ’me u nkarabeE le hore bahlanka ba hao bao u ba ratang ba ka pholosoa.+
7 Molimo o buile a le khalalelong ea hae* a re:
“Ke tla thaba, ke fane ka Shikeme+ e le lefa,Ke tla metha Khohlo* ea Sukothe.+
8 Gileade+ ke ea ka le Manase ke ea ka,Efraime ke helmete* ea hlooho ea ka.+
Juda ke lere la ka la bolaoli.+
9 Moabe ke sekotlolo seo ke hlatsoetsang ho sona.+
Ke tla lahlela seeta* sa ka holim’a Edomo.+
Ke tla hoeletsa ke thabile hobane ke hlotse Filistia.”+
10 Ke mang ea tla ntlisa motseng o sirelelitsoeng ka thata?
Ke mang ea tla etsa hore ke fihle Edomo?+
11 Na ha se uena Molimo oa ka?
Empa joale u re lahlile. Molimo oa rona ha u sa tsamaea le rona.+
12 Re thuse matšoenyehong a rona+Hobane ho pholosoa ke batho ha ho na thuso.+
13 Molimo o tla re fa matla+Ebile o tla hatakela lira tsa rona.+
Linaletsana
^ Kapa: “letsetsa.”
^ Kapa: “Lerato le tšepahalang.” Sheba Tlhaloso.
^ Kapa mohlomong: “a le sebakeng sa hae se halalelang.”
^ Kapa: “Phula.”
^ Ka Seheberu: “sebaka se sireletsehileng.”
^ Ka Seheberu: “moqathatso.”
