Lipesaleme 110:1-7
Pesaleme ea Davida. Pina.
110 Jehova o itse ho Moren’a ka:
“Lula ka letsohong la ka le letona+Ho fihlela ke beha lira tsa hao tlas’a maoto a hao.”+
2 Jehova o tla otlolla lere la hao la borena* e le hore u se ke oa busa Sione feela, o tla re:
“Busa* har’a lira tsa hao.”+
3 Batho ba hao ba tla ithaopa letsatsing leo u etellang pele masole a hao ho ea ntoeng.
Sehlopha sa bahlankana ba hao se joaloka marotholi a phoka a bang teng mesong.*
Ba shebahala ba le batle ba bile ba halalela.
4 Jehova o ikanne ’me a ke ke a fetola maikutlo a hae,* o itse:
“U moprista ka ho sa feleng+Ka tsela e tšoanang le ea Melkizedeke.”+
5 Jehova o tla ba ka letsohong la hao le letona.+
O tla silakanya marena letsatsing la khalefo ea hae.+
6 O tla ahlola* lichaba,+A tlatse naha ka litopo.+
O tla silakanya moeta-pele* oa naha e kholo.*
7 O* tla noa metsi a nokana e ka thoko ho tsela.
Ka mor’a moo, o tla thaba hobane a hlotse.
Linaletsana
^ Ka Seheberu: “molamu oa matla a hao.”
^ Kapa: “Hlola.”
^ Ka Seheberu: “ho tsoa popelong ea mafube.”
^ Kapa: “a ke ke a ikoahlaea.”
^ Kapa: “ahlola har’a.”
^ Ka Seheberu: “hlooho.”
^ Kapa: “oa lefatše lohle.”
^ E leng “Morenaka” eo ho buuoang ka eena temaneng ea 1.
