Lipesaleme 34:1-22
Pesaleme ea Davida, ha a ne a ikentse eka oa hlanya+ ka pel’a Abimeleke, ea ileng a mo leleka eaba oa tsamaea.
א [Aleph]
34 Ke tla rorisa Jehova ka linako tsohle.
Nke ke ka khaotsa ho mo rorisa.
ב [Beth]
2 Ke tla ithorisa ka Jehova.+
Ba bonolo ba tla utloa ’me ba thabe.
ג [Gimel]
3 Tlotlisang Jehova ’moho le ’na.+
A re phahamiseng lebitso la hae hammoho.
ד [Daleth]
4 Ke ile ka botsa Jehova eaba oa nkaraba.+
O ile a mpholosa linthong tsohle tseo ke li tšabang.+
ה [He]
5 Ba mo tšepileng baa thaba.
Ba ke ke ba hlajoa ke lihlong.
ז [Zayin]
6 Motho enoa ea maemong a tlase a bitsa Jehova ’me a mo utloa.
A mo pholosa mahlomoleng ’ohle a hae.+
ח [Heth]
7 Lengeloi la Jehova le sireletsa* ba mo tšabang+Ebile lea ba pholosa.+
ט [Teth]
8 Latsoang ’me le bone hore Jehova o molemo.+
Ho thaba motho ea balehelang ho eena.
י [Yod]
9 Tšabang Jehova, lona batho bohle ba hae ba halalelangHobane ba mo tšabang ha ba hloke letho.+
כ [Kaph]
10 Esita le litaoana tse matla li bolaoa ke tlalaEmpa ba batlang Jehova ba ke ke ba hloka letho le molemo.+
ל [Lamed]
11 Tloong bara ba ka, le ’mamele.
Ke tla le ruta ho tšaba Jehova.+
מ [Mem]
12 Ke mang har’a lona ea thabelang bophelo,Ea batlang ho phela nako e telele a thabile?+
נ [Nun]
13 U thibe leleme la hao hore le se ke la bua se sebe+Le molomo oa hao hore o se ke oa bua leshano.+
ס [Samekh]
14 Tlohela lintho tse mpe, u etse tse ntle.+
Batla khotso ’me u loanele hore e lule e le teng.+
ע [Ayin]
15 Mahlo a Jehova a shebile batho ba lokileng,+Litsebe tsa hae li mamela sello sa bona ha ba kopa thuso.+
פ [Pe]
16 Jehova o hloile ba etsang lintho tse mpe,O tla ba felisa ’me ha ho na motho ea tla ba hopola lefatšeng.+
צ [Tsade]
17 Ba ile ba lla ’me Jehova a ba utloa.+
A ba pholosa matšoenyehong ’ohle a bona.+
ק [Qoph]
18 Jehova o haufi le bao lipelo tsa bona li utloileng bohloko.+
O pholosa ba khathetseng matla.*+
ר [Resh]
19 Mathata* a ea lokileng a mangata+Empa Jehova o mo pholosa ho ’ona kaofela.+
ש [Shin]
20 O lebela masapo ’ohle a hae.
Ha ho na le le leng la ’ona le robehileng.+
ת [Taw]
21 Tlokotsi e tla bolaea ea khopo.
Ba hloileng ea lokileng ba tla fumanoa ba le molato.
22 Jehova o lopolla bophelo ba bahlanka ba hae.
Ha ho na motho ea balehelang ho eena ea tla fumanoa a le molato.+
