Lipesaleme 41:1-13
Ho motsamaisi. Pina ea Davida.
41 Ho thaba mang kapa mang ea nahanelang motho ea boemong bo tlase.+
Jehova o tla mo pholosa nakong ea mahlomola.
2 Jehova o tla mo sireletsa a be a mo boloke a phela.
Batho ba tla bona hore o thabile.+
A ke ke a nehelana ka eena ho lira tsa hae.+
3 Jehova a ke ke a mo lahla ha a kula a le betheng.+
O tla mo hlokomela ha a ntse a kula.
4 Ke ile ka re: “Jehova nkhauhele.+
U mpholise+ hobane ke u sitetsoe.”+
5 Lira tsa ka li bua lintho tse mpe ka ’na li re:
“O tla shoa neng ’me lebitso la hae le nyamele?”
6 Ha e mong oa bona a tl’o mpona, o bua leshano.
O batlana le lintho tse mpe tseo a ka li buang ka ’na.
Ka mor’a moo oa tsoa, o li hasa hohle.
7 Bohle ba ntlhoileng baa sebelana.
Ba rera ho nketsa hampe ba re:
8 “O hlahetsoe ke ntho e mpe haholo.
Ha e le mona a oele ha a sa tla ema hape.”+
9 Le motho eo ke neng ke phela le eena ka khotso, eo ke neng ke mo tšepa,+Ea neng a ja bohobe ba ka o mphetohetse.+
10 Jehova, nkhauhele ’me u mphahamiseHore ke tle ke ba ahlolele seo ba se entseng.
11 Ke tla tseba ka sena hore kea u khahlisa:
Ha sera sa ka se sa khone ho ntlhola e le hore se thabe.+
12 U ntlotlile hobane kea tšepahala.+
U tla mpeha pel’a hao ka ho sa feleng.+
13 Jehova Molimo oa Iseraele a ke a rorisoeKa ho sa feleng.+
Amen le Amen.
