Lipesaleme 59:1-17
Ho motsamaisi. E binoe ka molumo oa “U se ke oa Senya.” Pesaleme ea Davida. Miktame.* Ha Saule a ne a rometse banna ho ea lebela ntlo ea Davida hore ba mo bolaee.+
59 Molimo oa ka, mpholose ho lira tsa ka.+
Ntšireletse ho ba ntlhaselang.+
2 Mpholose ho ba etsang lintho tse khopo,U mpholose ho batho ba ratang ntoa.
3 Ba emetse ho ntlhasela ke sa lebella.+
Banna ba matla baa ntlhaselaEmpa eseng hobane ke ba fetohetse kapa ke entse sebe,+ Jehova.
4 Le hoja ho se na phoso eo ke e entseng, baa matha ’me ba itokisetsa ho ntlhasela.
Tsoha u tl’o nthusa ha ke u hoeletsa ’me u bone seo ba se etsang.
5 Hobane Jehova Molimo oa mabotho, u Molimo oa Iseraele.+
Tsoha u hlahlobe lichaba tsohle.
U se ke oa hauhela mahlabaphio leha e le afe a kotsi.+ (Selah)
6 Ba khutla mantsiboea a mang le a mang.+
Ba bohola* joaloka lintja,+ ba solla motseng.+
7 Bona se tsoang melomong ea bona.
Melomo ea bona e joaloka lisabole+Kaha ba re: “Ke mang ea mametseng?”+
8 Empa uena, Jehova, u tla ba tšeha.+
U tla soma lichaba tsohle.+
9 U Matla a ka, ke tla lula ke u letetse.+
Molimo, u setšabelo sa ka se sireletsehileng.*+
10 Molimo oa ka ea nthatang o tla nthusa.+
Molimo o tla etsa hore ke bone ha ba ntlhoileng ba hloloa.+
11 U se ke oa ba bolaea e le hore batho ba heso ba se ke ba lebala.
Ka matla a hao, etsa hore ba lelere.
Jehova, thebe ea rona, etsa hore ba oe.+
12 Kaha ba entse sebe ka seo ba se buang,E se eka ba ka tšoasoa ke boikhohomoso ba bona,+Ka lebaka la thohako le mashano ao ba a buang.
13 Ba felise ka bohale ba hao.+
Ba felise e le hore ba se ke ba hlola ba e-ba teng.
Etsa hore ba tsebe hore Molimo o busa Jakobo le lefatšeng lohle.+ (Selah)
14 Etsa hore ba khutle mantsiboea.
Ba bohole* joaloka lintja, ba solle motseng.+
15 Etsa hore ba tsamaee hohle ba batlana le lijo.+
U se ke oa ba tlohela hore ba khore kapa ba fumane moo ba ka robalang teng.
16 Ha e le ’na, ke tla bina ka matla a hao.+
Hoseng ke tla bua ka lerato la hao ke thabileKaha u setšabelo sa ka se sireletsehileng+Le sebaka seo ke balehelang ho sona ha ke e-na le mathata.+
17 U Matla a ka, ke tla u binela lithoriso+Hobane Molimo, u setšabelo sa ka se sireletsehileng, Molimo ea nthatang.+
